Čuprys prakamientavała siońniašniaje pamiłavańnie. Spytali jaje i pra palitviaźniaŭ
Čynoŭnica adznačyła, što raniej siarod pamiłavanych byli asudžanyja pa pratesnych artykułach.
Siońnia Łukašenka padpisaŭ ukaz ab pamiłavańni 15 čałaviek. Paviedamlałasia, što siarod ich 9 žančyn. 11 z 15 na momant ździajśnieńnia złačynstvaŭ byli niepaŭnaletnimi.
Namieśnica kiraŭnika Administracyi Łukašenki Volha Čuprys u efiry BT udakładniła, što try z pamiłavanych žančyn — ź niepaŭnaletnimi dziećmi.
Pamiłavanym źmienšyli termin abo źmiakčyli pakarańnie.
Abaviazkovaja ŭmova dla ich paśla vyzvaleńnia — pracaŭładkavańnie.
U Čuprys spytali pra asudžanych pa pratesnych artykułach. Jana nie adkazała, ci trapili jany sioleta pad pamiłavańnie, ale zhadała, što ŭ papiarednija hady takija vypadki byli.
«U 2021 hodzie prezidentam było pryniata [takoje] rašeńnie ab pamiłavańni ŭ dačynieńni da 40% usich pamiłavanych, i heta było pa tych asobach, jakija ździejśnili złačynstvy tak zvanaj pratestnaj nakiravanaści. U 2022 hodzie ad ahulnaj kolkaści pamiłavanych hetaja katehoryja skłała 77%. Nu i ŭ 2023 hodzie, my viedajem, adzinkavyja vypadki pamiłavańnia byli.
Heta pra što kaža? Choć hetyja asoby siabie supraćpastavili krainie, intaresam krainy ŭ składany pieryjad dla našaj dziaržavy, prezident ich pamiłavaŭ, prezident ich ubačyŭ», — adznačyła čynoŭnica.
Imiony pamiłavanych pakul nieviadomyja.
Jana raskazała taksama, što amnistyja ŭ hetym hodzie budzie adroźnivacca — tym, što šyroka raspaŭsiudzicca na niepaŭnaletnich, u tym liku na tych, chto asudžany pa narkatyčnych artykułach (u tym liku z abciažvajučymi abstavinami), i na žančyn ź dziećmi.
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca4
Kamientary