U škołach Biełharada i pryhraničnych municypalitetaŭ u čaćviortaj čverci ŭviaduć dystancyjnaje navučańnie
Na ŭsich astatnich terytoryjach Biełharadskaj vobłaści, jak i było raniej, vočnaje navučańnie
Hubiernatar Biełharadskaj vobłaści Viačasłaŭ Hładkoŭ zajaviŭ, što pa vynikach pasiadžeńnia apierštaba było vyrašana pieravieści na dystancyjnaje navučańnie ŭ čaćviortaj čverci škoły «pryhraničnych municypalitetaŭ plus Biełharad, plus Jakaŭleŭskaja haradskaja akruha».
Na ŭsich astatnich terytoryjach Biełharadskaj vobłaści, jak i było raniej, vočnaje navučańnie, udakładniŭ kiraŭnik rehijona. Pryčyna — abstreły z boku Ukrainy.
Jon taksama zajaviŭ, što 5 tys. dziaciej užo vyviezieny ź Biełharodskaj vobłaści ŭ inšyja rehijony Rasii. Učora 1300 dziaciej prybyli ŭ Sankt-Pieciarburh, Bransk, Machačkału, napisaŭ Hładkoŭ.
19 sakavika ŭłady Biełharadskaj vobłaści zajaŭlali, što pryniali rašeńnie vyvieźci ŭ inšyja rasijskija rehijony kala 9 tys. dziaciej.
Kamientary