Stali viadomyja prysudy 8 z 17 čałaviek, jakich učora sudzili ŭ Baranavičach za pratesty 2020 hoda
U asnovu abvinavačańnia lehli padziei, jakija adbylisia ŭ Baranavičach u noč z 10 na 11 žniŭnia 2020 hoda. Infarmacyju pa vynikach suda apublikavała pres-słužba Viarchoŭnaha suda.
Pavodle abvinavačańnia, haradžanie, «znachodziačysia na prajeznaj častcy vuł. Kamsamolskaj i vuł. Haharyna, hučna kryčali, vykrykvali łozunhi, demanstravali pałotny bieł-čyrvona-biełaha koleru». Tym samym jany «pieraškadžali ruchu transpartnych srodkaŭ i narmalnamu funkcyjanavańniu pradpryjemstvaŭ i arhanizacyj».
Usich vaśmiarych sud pryznaŭ vinavatymi ŭ ździajśnieńni złačynstva, praduhledžanaha art. 342 Kryminalnaha kodeksa («aktyŭny ŭdzieł u hrupavych dziejańniach, jakija hruba parušajuć hramadski paradak»).
Usim pryznačyli pakarańnie, źviazanaje z pazbaŭleńniem voli. Terminy — ad adnaho hoda da troch hadoŭ.
Žančynu asudzili na hod pazbaŭleńnia voli z adterminoŭkaj pakarańnia — pakul jaje dziciaci nie spoŭnicca try hady.
Pa infarmacyi «Viasny», učora ŭ Baranavičach za padziei 2020 hoda sudzili 17 čałaviek.
Sudździ — Anastasija Paŭlečka i Ina Paŭłoŭskaja.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary
riealno śmiešno !