MNS: Homielskaja vobłaść hatovaja da pierachodu na vajenny čas
Vyratavalniki praviali śpiecyjalnuju treniroŭku.
MNS, farmiravańni hramadzianskaj abarony i inšyja słužby ŭ Homielskaj vobłaści hatovyja da pieravodu na vajenny čas.
Pra heta raskazaŭ pieršy namieśnik ministra pa nadzvyčajnych situacyjach Alaksandr Chudalejeŭ padčas treniroŭki pa resursnym zabieśpiačeńni ratavalnikaŭ u vajenny čas. Zaniatki prachodzili dva dni, adpracoŭvałasia hatoŭnaść da pracy va ŭmovach vajny, paviedamlaje BiełTA.
«Pravieranaja hatoŭnaść śpiecyjalnych farmiravańniaŭ, ich ukamplektavanaść i inš. U cełym sistema rehijonu hatovaja pry nieabchodnaści da pieravodu na vajenny čas», — zajaviŭ Chudalejeŭ.
Pavodle jahonych słoŭ, adnak, nieabchodna ŭnieści niekatoryja apieratyŭnyja karektyvy, jakija ŭdaskanalać dziejańni słužbaŭ u vajenny čas.
U zaniatkach u Homielskaj vobłaści ŭdzielničali staršyni vykankamaŭ, pradstaŭniki centralnaha aparata MNS i Homielskaha abłasnoha ŭpraŭleńnia MNS, hałoŭnaha ŭpraŭleńnia ŽKH, hałoŭnaha ŭpraŭleńnia pa achovie zdaroŭja, hałoŭnaha ŭpraŭleńnia handlu i pasłuh Homielskaha abłvykankama, a taksama pradpryjemstvaŭ, jakija byli zadziejničanyja ŭ zabieśpiačeńni suviazi, charčavańnia, paliva, miedykamientaŭ i preparataŭ.
Treniroŭki pa mižviedamasnym uzajemadziejańni va ŭmovach vajennaha času prajšli raniej jašče ŭ dźviuch abłaściach krainy.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha12
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary