U Asipovičach sfarmiravali novaje vajskovaje padraździaleńnie z «Pałanezami»
U składzie 336-j reaktyŭnaj artyleryjskaj bryhady (v/č 12180) było sfarmavana novaje padraździaleńnie — 79-y asobny reaktyŭny artyleryjski dyvizijon. Na ŭzbrajeńni dyvizijona znachodziacca RSZA V-300 «Pałanez-M», paviedamlaje «Biełaruski Hajun».
Asobny dyvizijon źjaŭlajecca vajskovaj častkaj, jakaja ŭvachodzić u skład złučeńnia (bryhady). Maje numar i sapraŭdnaje (naprykład, 79-ty asobny reaktyŭny artyleryjski dyvizijon), a taksama ŭmoŭnaje (naprykład, «vajskovaja čaść 12345») najmieńnie.
U listapadzie 2023 h. adbyłasia pieradača 336-j bryhadzie dyvizijonnaha kamplekta RSZA «Pałanez-M». Heta padzieja i pasłužyła pryčynaj farmiravańnia 79-ha dyvizijona.
Paśla pieradačy ŭ 2016 h. pieršaha dyvizijonnaha kamplekta RSZA V-200 «Pałanez» u składzie 336-j bryhady byŭ sfarmavany 77-ty asobny reaktyŭny artyleryjski dyvizijon (v/č 12190).
79-ty dyvizijon staŭ 13-j pa liku vajskovaj častkaj Asipovickaha harnizona, pra jakuju jość infarmacyja ŭ adkrytych krynicach.
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary