U mai Eminiem śviatkavaŭ ščaślivuju padzieju — jaho lubimaja dačka vyjšła zamuž. Učora ž miehapapularny ŭ pačatku 2000-ch repier padzialiŭsia inšaj radaściu: Chejli ŭpieršyniu stanie mamaj.
U piatnicu vyjšaŭ klip 51-hadovaha artysta na pieśniu Temporary, dzie jon pakazaŭ archiŭnyja kadry z dačkoj. Klip za sutki ŭžo nabraŭ 7 młn prahladaŭ.
Taksama ŭ roliku jość i momanty z sučasnaści: jak Chejli vychodzić zamuž, a taksama abjaŭlaje baćku pra toje, što ciažarnaja.
Dziaŭčyna pieradaje futbołku z nadpisam «dziadula» na śpinie i ŭručaje jamu zdymak UHD. Ašałomleny muzyka nie moža pavieryć vačam i, adkryŭšy rot, hladzić u kamieru.
Fanaty zapłakali, pahladzieŭšy klip. «Vinšuju, što Eminiem stanie dziadulem»; «Toje, što Eminiem stanie dziadulem, — samaja cudoŭnaja navina, jakuju ja čuŭ siońnia. Jamu prosta treba było prymusić mianie płakać…».
28-hadovaja dačka Eminiema zhulała viasielle z Evanam Mak-Klintakam u mai. Na ŭračystaści prysutničali samyja blizkija ludzi. Bolš za ŭsio publicy zapomniŭsia kranalny taniec baćki ź niaviestaj.
-
«Najhoršy kancert u maim žyćci»: biełaruska paskardziłasia na vystup «Ivanušak» u Minsku i nabrała 2 miljony prahladaŭ
-
Premija MTV: tryumf Tejłar Śvift i emacyjnaja pramova Ryty Ory ab udzielniku One Direction
-
«Ja nie viarnuś dadomu, Vaŭkałak!». Historyja kachańnia i pieraradžeńnia ŭ novym fentezijnym klipie hurta Irdorath
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary