Mašyna znachodzicca ŭ kiepskim stanie.
Prajekt skončyŭsia paśla vypusku ŭsiaho niekalkich adzinak aŭtamabila. Ich stvarali ŭ Minsku, u Šabanach, nahadvaje Blizko.by.
Telehram-kanał «Aŭtapatok» źviarnuŭ uvahu na toje, što ŭ Minsku vystaŭleny na prodaž «Jo-mabil». Heta tak zvany «Jo-krasovier», sabrany prykładna ŭ 2012—2013 hadach.
Mašyna znachodzicca ŭ žałaślivym stanie. U abjavie skazana, što hety ekzemplar maje jarka-zialony mietaličny koler, ale jon užo razukamplektavany. Faktyčna na prodaž prapanujecca kuzaŭ z sałonam i padvieskaj, ale biez ruchavika i tranśmisii.
«U sałonie niama manitoraŭ (prybornaj paneli), sałonnaha lusterka na łabavym škle i pieraklučalnikaŭ na rulavoj kałoncy (padobna na toje, što jany byli ad jakoj-niebudź Łady). Astatniaje na miescy. Niama miechanizmu škłoačyščalnika, ale ja źnimu ź inšaj mašyny. Zadniaha miechanizmu škłoačyščalnika naohuł niama. Abiŭka stoli pravisła, heta ich častaja prablema. Treba jaje prymacavać», — raskazaŭ pradaviec.
Cana za reštki «Jo-mabila» składaje 1.460.000 rasijskich rubloŭ, što pryblizna roŭna 15 tysiačam dalaraŭ pa aficyjnym kursie Centrabanka Rasii.
Viasnoj 2010 hoda minskaja kampanija «Jaravit» sumiesna z hrupaj «ONEKSIM» rasijskaha miljardera Michaiła Prakorava abviaściła ab stvareńni «haradskoha hibrydamabila» pad nazvaj «Jo-mabil».
Płany byli hrandyjoznyja: aporny płastykavy kuzaŭ, rotarna-łapasny ruchavik, supierkandensatary. Adzin z ekzemplaraŭ asabista pratestavaŭ Uładzimir Pucin. U 2014 hodzie ŭsie pracy nad «Jo-mabilem» spynili, pradaŭšy jaho za simvaličny adzin jeŭra. Usiaho na bazie ŭ Šabanach było sabrana 5 adzinak «Jo-mabila», taksama kampanija-raspracoŭščyk pradstaviła niekalki pratatypaŭ u inšych kuzavach.
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie16
Kamientary
-Zdravstvujtie, a čto eto za poroda sobaki takaja?
-Čichuachua
-A skolko stoit ŝienok?
-..00000 $
-Ni chua chua