Duda i Tusk u Siejmie paspračalisia pra biełarusaŭ: prezident abvinavaciŭ premjera ŭ tym, što jon choča pazbavić ich prava na prytułak
Donald Tusk nazvaŭ zajavu Andžeja Dudy vialikim hłupstvam.
Prezident Polščy Andžej Duda i premjer-ministr krainy Donald Tusk abmianialisia krytyčnymi zajavami ŭ Siejmie. Havorka zajšła ŭ tym liku pra biełarusaŭ.
Duda vystupiŭ u parłamiencie z nahody hadaviny vybaraŭ u Siejm, jakija pryviali da źmieny ŭrada. U svaim vystupleńni polski lidar zakranuŭ i mihracyjnuju prahramu, jakuju napiaredadni pradstaviŭ Tusk.
Jana ŭ tym liku praduhledžvaje mahčymaść časovaj terytaryjalnaj zabarony na padaču prašeńniaŭ ab prytułku ŭ Polščy. Duda abvinavaciŭ kabiniet u tym, što jon choča pazbavić prava na abaronu biełarusaŭ, jakija vystupajuć suprać režymu Łukašenki.
«Usio śviedčyć pra toje, što [mihracyjnaja prahrama] zrobić niemahčymym, naprykład, dla pradstaŭnikoŭ biełaruskaj apazicyi znajści prytułak u Polščy. Ale Polšča była i zastajecca i, spadziajusia, zastaniecca krainaj svabody i salidarnaści. U Polščy jość šmatviakovaja tradycyja padtrymki pamknieńniaŭ da svabody inšych narodaŭ i nadańnia prytułku ludziam, jakija zmahajucca za svabodu», — zajaviŭ Duda.
Pavodle jaho słoŭ, dakumient, pradstaŭleny ŭradam, faktyčna nie pakinie mahčymaści atrymać abaronu ludziam, jakich pieraśledujuć u Biełarusi za palityku.
Paśla prezidenta pierad Siejmam vystupiŭ Tusk. Premjer nazvaŭ słovy Dudy vialikim hłupstvam.
«Prezident zakranuŭ prablemy polska-biełaruskaj miažy i hučnuju spravu ab nadańni prytułku na prykładzie patencyjnych biełaruskich biežancaŭ. Nie było nivodnaha vypadku, kab biełaruski apazicyjanier sprabavaŭ niezakonna pierasiačy polska-biełaruskuju miažu ŭ składzie hrup, arhanizavanych Łukašenkam. Kali łaska, nie złujciesia, spadar prezident, ale durniej ničoha skazać nielha», — adznačyŭ Tusk.
Jon zajaviŭ, što abmiežavańni na nadańnie prytułku buduć tyčycca tych, chto sprabuje niezakonna praniknuć na terytoryju Polščy ź Biełarusi, šturmujučy pamiežny płot.
Pra heta ž zajaviŭ i ministr zamiežnych spraŭ Radasłaŭ Sikorski. Ź jahonych słoŭ, abmiežavańni, jakija choča ŭvieści ŭrad, naŭrad ci buduć tyčycca aktyvistaŭ biełaruskaj apazicyi.
«Mierkavanyja abmiežavańni na padaču zajaŭ nosiać terytaryjalny i časovy charaktar, naprykład, terminam na 90 dzion z mahčymaściu praciahvańnia pa rašeńni parłamienta. Vypadkaŭ, kali biełaruski apazicyjanier sprabavaŭ niezakonna pierasiačy polskuju miažu z hrupami, pasłanymi Pucinym i Łukašenkam, nie zafiksavana»» — adznačyŭ Sikorski, jakoha cytujuć wiadomosci.wp.pl.
Jon dadaŭ, što pamiežniki navat u vypadku ŭviadzieńnia časovaj zabarony na padaču prašeńniaŭ ab prytułku buduć rabić vyklučeńni dla ŭraźlivych hrup: maci ź dziećmi, ludziej, jakija biahuć ad mahčymych katavańniaŭ, i inšych.
Tema biełarusaŭ i Biełarusi časta hučyć u kantekście polskaj palityčnaj baraćby. Naprykład, padčas letašnich parłamienckich vybaraŭ tahačasnaja apazicyja abvinavačvała kiroŭnuju partyju «Prava i spraviadlivaść» u tym, što jana «pieratvaraje Polšču ŭ Biełaruś» — miełasia na ŭvazie pabudova niedemakratyčnaha palityčnaha režymu i cisk na ŚMI. Pajšoŭšy ŭ apazicyju, «PiS» stała vykarystoŭvać hety ž arhumient užo suprać urada Tuska.
U čym sutnaść novaj mihracyjnaj stratehii i čamu heta važna dla biełarusaŭ?
Biełarusy — siarod lidaraŭ pa kolkaści zajaŭ na nadańnie mižnarodnaj abarony ŭ Polščy. Tolki za 9 miesiacaŭ 2024 hoda prašeńni padali 2900 hramadzian našaj krainy. Bolš — tolki ŭkraincaŭ (4,5 tysiačy). Pry hetym dahetul pracent admoŭ biełarusam byŭ minimalny.
Stratehija, pradstaŭlenaja ŭradam, praduhledžvaje novuju madel nadańnia nacyjanalnaj i mižnarodnaj abarony inšaziemcam u kankretnym miescy i na peŭnych umovach. Heta značyć mahčymaść padavać zajavy na abaronu dla tych, chto lehalna zajechaŭ u krainu, pavinna zastacca. Adnak jak budzie pracavać novaja sistema, pakul nieviadoma.
Urad źbirajecca ŭzmacnić pravierki kožnaha zajaŭnika, a ŭ vypadku padazreńniaŭ prośbitaŭ zmohuć prymusova adpraŭlać u centry ŭtrymańnia mihrantaŭ da zaviaršeńnia razhladu spravy. Terminy razhladu abiacajuć skaracić. Pry hetym tym, kamu ŭ prytułku budzie admoŭlena, daviadziecca ŭ karotkija terminy pakinuć Polšču, ich pieramiaščeńni da departacyi buduć kantralavać śpiecsłužby.
Tych, chto ŭsio ž atrymaje mižnarodnuju abaronu, čakaje abaviazkovaja i ŭsioachopnaja prahrama intehracyi ŭ polskaje hramadstva.
Punkt mihracyjnaj stratehii ab prytułku staŭ samym dyskusijnym. Jaho raskrytykavali ŭ tym liku partniory partyi Tuska pa ŭradavaj kaalicyi, što moža surjozna abciažaryć pryniaćcie nieabchodnych zakonaŭ u Siejmie. Partyi premjera nieabchodnyja hałasy partnioraŭ, patrebnaj bolšaści ŭ parłamiencie ŭ jaje niama.
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary
Problema zaklučajetsia v tom, čto niekotoryje biełarusy biežali ot prieśledovanij imienno čieriez biełarusko-polskuju hranicu (jasnoje dieło čto nie vmiestie s tiemi, kto šturmovał hranicu). Tak čto jeśli budiet zapriet o podačie na ubiežiŝie na hranicie (kak ja poniał rieč imienno o niom i idiot), to biełarusy pod nieho kak raz-taki popadut.
Bolšie 80% biełaruskich biehunkov v Litvie nie političieskije, a hastarbajtiery. Oficialnaja statitiska pravitielstva. Skolko jeŝie iz etich "političieskich" prosto postojało na protiestach v stronkie ili łajknuło v tielehie nievierojatnyj post?Polaki podymajut pravilnyj vopros. Prijezžajtie i rabotajtie, a nie połučili doki, i vpieried po kurortam honiať i Hiermanii s Kanadami pokoriať.