Viciebski fłahštok, jaki ŭłady nazvali biaspłatnym, abyjdziecca ŭ 440 tysiač dalaraŭ
Miascovym uładam pryjdziecca dobra patracicca na ŭładkavańnie samoj płoščy, na jakoj užo ŭstalavali sam fłahštok.
U Viciebsku na płoščy la Ladovaha pałaca zmantavali 69-mietrovy fłahštok. Padčas hramadskich abmierkavańniaŭ administracyja horada zajaŭlała, što horadu hety fłahštok ničoha nie budzie kaštavać — maŭlaŭ, jaho ŭstalujuć za sponsarskija srodki. Sponsara, praŭda, čynoŭniki nie nazyvajuć.
Adnak arhanizacyja samoj płoščy vakoł fłahštoka abydziecca haradskomu biudžetu ŭ surjoznuju sumu, padličyŭ «Viciebski kurjer».
Na sajcie dziaržzakupak było apublikavana jak minimum siem pazicyj, źviazanych z płoščaj:
- Śviatłodyjodnyja ekrany (1 125 069,43 rubloŭ);
- Interaktyŭny stend (129 520,51 rubloŭ);
- Łaŭki (100 404,72 rubloŭ);
- Urny bietonnyja (19 890 rubloŭ);
- Urny palimierbietonnyja (19 890 rubloŭ);
- Kašpo bietonnyja (54 450,66 rubloŭ);
- Šafa kiravańnia vonkavym aśviatleńniem (12 600 rubloŭ).
Usio heta źbiralisia zakuplać za biudžetnyja srodki. Ahułam uładkavańnie płoščy abydziecca ŭ 1 461 825 rubloŭ — heta 440 tysiač dalaraŭ.
Pry hetym konkurs na niekatoryja zakupki ŭsio jašče praciahvajecca, a zakančeńnie budaŭnictva pieraniesiena na nastupny hod. Heta značyć suma moža stać jašče bolš.
U Biełarusi, jak i ŭ minułym hodzie, na pieradnavahodnija chviliny adklučyli jutub20
Kamientary