Biełaruskija ŭłady spačatku zabrali zavod va ŭkrainskaha inviestara, a ciapier sprabujuć paviesić na jaho jašče i daŭhi pradpryjemstva, piša «Fłahštok».
U žniŭni Ekanamičny sud Homielskaj vobłaści pryniaŭ rašeńnie raspačać u dačynieńni da TAA «Śvietłahorski zavod zvaračnych elektrodaŭ» vytvorčaść pa spravie ab bankructvie. Padstavaj pasłužyŭ zvarot padatkovaj inśpiekcyi Śvietłahorskaha rajona.
Pradstaŭnika pradpryjemstva, zasnavalnikam jakoha źjaŭlajecca ŭkrainskaje akcyjaniernaje tavarystva «PłazmaTek», na sudovym pasiadžeńni nie było. Nastupnaje pasiadžeńnie zapłanavana na 24 listapada 2024 hoda.
Z vyznačeńnia suda viadoma, što ŭ dačynieńni da pradpryjemstva majecca vosiem vykanaŭčych vytvorčaściaŭ na ahulnuju sumu 18,6 młn BYN, ź jakich 11 młn prypadajuć na płaciažy ŭ biudžet. Košt majomaści, jakoje majecca na bałansie daŭžnika, nie nazyvajecca.
U toj ža čas majomaść, jakaja raniej naležała TAA «Śvietłahorski zavod zvaračnych elektrodaŭ», praciahvaje vykarystoŭvacca. Siońnia joj vałodaje TAA «Amieta-Elektrod». Pradpryjemstva było zarehistravana ŭ lutym 2023 hoda i ŭvachodzić u rasijskuju pramysłovuju hrupu Arcus.
Akramia zavoda ŭ Śvietłahorsku, u hrupu ŭvachodziać čatyry rasijskija pradpryjemstvy, u tym liku Mahnitahorski elektrodny zavod, śpiecyjalisty jakoha zajmalisia paŭtornym zapuskam vytvorčaści elektrodaŭ u Śvietłahorsku.
Na sajcie pramysłovaj hrupy Arcus skazana, što TAA «Śvietłahorski zavod zvaračnych elektrodaŭ» da momantu nabyćcia znachodziŭsia ŭ stanie bankructva. Adnak heta nie tak, pakolki praces bankructva zavoda ŭ Śvietłahorsku byŭ zapuščany tolki praz paŭtara hoda.
Adnak pryncypovaje rašeńnie pa losie TAA «Śvietłahorski zavod zvaračnych elektrodaŭ» da taho momantu ŭžo było pryniata. Žadańnie adabrać aktyŭ va ŭkrainskaha inviestara ahučyŭ Łukašenka ŭ śniežni 2022 hoda.
U vyniku rasijskaja kampanija atrymała aktyvy, ale nie stała pravapierajemnicaj abaviazacielstvaŭ TAA «Śvietłahorski zavod zvaračnych elektrodaŭ». Biełaruskija ŭłady ciapier pasprabujuć ich spahnać z ukrainskaha inviestara.
TAA «Śvietłahorski zavod zvaračnych elektrodaŭ» źjaŭlaŭsia ŭłasnaściu ŭkrainskaj hrupy kampanij «PłazmaTek» z 2010 pa 2022 hod. Za hety čas ahulny abjom inviestycyj ukrainskaha inviestara skłaŭ nie mienš za 1,4 młn USD.
Śvietłahorski zavod źjaŭlaŭsia ŭładalnikam kantrolnaha pakieta akcyj u inšych pradpryjemstvach hrupy kampanij «PłazmaTek»: rasijskaj «Manalit-Centr», kazachskaj Monolith KZ i ŭźbiekskaj Monolith Asia. Sukupny ŭdzieł u statutnym kapitale hetych kampanij na pačatak 2021 hoda pieravyšaŭ 2,5 młn USD.
Ukrainski ŭładalnik nacyjanalizavanaha zavoda ŭ Śvietłahorsku sprabavaŭ atrymać kampiensacyju — ale nie ad Biełarusi
Praz vajnu ŭ Śvietłahorsku zakryłasia pradpryjemstva, jakoje nazyvali ekanamičnym cudam rehijonu. Jaho majomaść raspradaduć za daŭhi
Z aŭkcyjonu amal za miljon dalaraŭ pradajuć kaliści znakamity zavod
Što za studentka Uljana, ź jakoj na bali valsiravaŭ Łukašenka?9
Kamientary