Adkryćcio pienicylinu ŭ minułym stahodździ pryviało da rezkaha rostu praciahłaści žyćcia. Ale ciapier čałaviectva ryzykuje prajhrać baraćbu z bakteryjami.
Na samuju vialikuju za apošnija dziesiacihodździ miedycynskuju pahrozu źviartaje ŭvahu niamieckaje vydańnie Bild. Jano cytuje słovy prezidenta Tavarystva infiekcyjnaj terapii imia Paŭla Erlicha, Matyjasa Pletca, jaki zajaviŭ: «My znachodzimsia na miažy straty dasiahnieńniaŭ sučasnaj miedycyny i viartajemsia ŭ epochu da adkryćcia pienicylinu».
Niadaŭniaje daśledavańnie vučonych Vašynhtonskaha ŭniviersiteta ŭ Sietle (ZŠA) pakazała, što da 2050 hoda ad infiekcyj, vyklikanych ustojlivymi da antybijotykaŭ mikrobami, mohuć pamierci bolš za 39 młn čałaviek pa ŭsim śviecie.
Jak tłumačać śpiecyjalisty, asnoŭnych pryčyn niekalki.
Pa-pieršaje, heta praźmiernaje pryznačeńnie antybijotykaŭ, asabliva ŭ ambułatornaj praktycy.
Naprykład, amal pry ŭsich infiekcyjach dychalnych šlachoŭ, jakija, jak praviła, vyklikajucca virusami, suprać jakich antybijotyki nieefiektyŭnyja. Asabliva časta zališniuju kolkaść lekaŭ atrymlivajuć dzieci z prastudaj. Taksama antybijotyki zanadta lohka pryznačajuć pry infiekcyjach močavyvodziačych šlachoŭ, takich jak cystyt, choć u bolšaści vypadkaŭ heta nie patrabujecca.
Druhim faktaram źjaŭlajecca rost kolkaści mižnarodnych pajezdak paśla pandemii, što spryjaje pieranosu mnostva rezistentnych bakteryj.
Asabliva vysokija ŭzroŭni ŭstojlivaści nazirajucca ŭ takich krainach, jak Hrecyja, Partuhalija, Turcyja, a taksama Indyja i inšyja krainy Azii.
Paharšaje kryzis niedachop antybijotykaŭ. Z 2017 hoda było adobrana ŭsiaho 12 novych preparataŭ.
Jak patłumačyli vydańniu śpiecyjalisty, jakija zajmajucca daśledavańniami i raspracoŭkaj antybijotykaŭ u Hiermanii, šlach ad adkryćcia novaha rečyva da jaho prymianieńnia doŭhi i darahi. Da stadyi kamiercyjnaha vykarystańnia dachodzić tolki adno z prykładna 5000 rečyvaŭ. Uvieś praces raspracoŭki zajmaje ad 8 da 15 hadoŭ, a košt składaje ad 100 miljonaŭ da 2 miljardaŭ jeŭra.
Z-za taho, što dachody ad inviestycyj u antybijotyki značna nižejšyja, čym ad inšych miedykamientaŭ, pramysłovaść usio čaściej admaŭlajecca ad prahram ich daśledavańniaŭ i raspracoŭki.
Vučonyja adznačajuć, što ciapier u Jeŭropie nie vyrablajecca nivodnaha novaha preparata, usio pastupaje z Indyi ci Kitaja. Kab całkam nie stracić pazicyj ŭ hetaj halinie, patrebna palityčnaja vola i surjoznyja inviestycyi ŭ daśledavańni i vytvorčaść.
Patencyjał u hetym napramku ŭ niamieckich vučonych jość. Tolki ŭ łabaratoryjach Lejbnic-Instytuta DSMZ (Niamieckaja kalekcyja mikraarhanizmaŭ i kletačnych kultur) u Braŭnšvajhu vyjavili za apošni čas bolš za 30 novych štamaŭ streptamicetaŭ — hrupy bakteryj, jakija zdolnyja vypracoŭvać antybijotyki. Hetyja novyja štamy mohuć stać krynicaj novych antybijotykaŭ, što asabliva važna ŭ śviatle rostu ŭstojlivaści bakteryj da isnujučych lekaŭ.
Jak adznačajuć u svaim daśledavańni amierykanskija vučonyja, kab ich sumny prahnoz nie staŭ realnaściu, nieabchodna terminova raspracavać novyja stratehii dla źnižeńnia ryzyki ciažkich infiekcyj. Jany pavinny ŭklučać stvareńnie vakcyn, raspracoŭku novych lekaŭ, palapšeńnie sistemy achovy zdaroŭja, pašyreńnie dostupu da ŭžo isnujučych antybijotykaŭ, a taksama rekamiendacyi pa ich najbolš efiektyŭnym vykarystańni.
Antybijotyki dapamahajuć abyścisia biez apieracyi pa vydaleńni apiendycytu — vučonyja
Zvyšmahutny antybijotyk dapamoža adoleć supierbakteryi
Užyvańnie sałataŭ padčas pryjomu antybijotykaŭ moža pryvieści da ŭźniknieńnia niebiaśpiečnych supierbakteryj — navukoŭcy
Vučonyja stvaryli nanamateryjał, jaki zabivaje bolš za 99% bakteryj
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary
• SŁAVA ANHIELSKIM VUČONYM!
🫅 Davajcie tolki nia budziem abahulvać. Niadaŭna ja chvareŭ, mabyć, na karona-vyras! A, mo', była naŭprost prastuda.
🦠 Praź sieciva tady ŭhledzieŭ i adrazu nabyŭ lek, nazva jakoha zapomniłasia nadta lohka — «Remantadzin». Maŭlaŭ, adzin ramont, kudy ŭžo bolej? Pračytaŭ tady taksama, što tej lek dobra viadomy z samych savieckich časoŭ, ale daŭno «nia nadta efektyŭny» ŭ paraŭnańni z novymi. Bo kiepskija mikroby, virusy z nachabnymi łyčami jaho daŭno ŭžo nie bajacca j leć nia pjuć ź im tamaka, u siarodkach, kryviu na bruderšaft. Ci kali skazać praściej (choć kudy bolej?), jon staŭ rezystentnym da roznych štamaŭ hrypu j tepe.
💊 Voś licha z dva. Remantadzin heny byŭ mnie jak žyvomu pryparka j byccam śnieh na hałavu ŭ śpiakotny červień! Paru łaskavymi, dapamoh dyk dapamoh, vylakavaŭsia im ja za dva-try dni. I karona-vyras bolej nia ciśnie. :)
.