«Za adno pryvitańnie mohuć zakinuć 200 dalaraŭ». Biełarus raskazaŭ pra asablivaści pracy na «Onlifans»
23-hadovy minčuk Aleh sa škoły zajmaŭsia źmiašanymi bajavymi mastactvami. Luboŭ da sportu vyliłasia ŭ jaho i ŭ luboŭ da siabie, u pryvatnaści — da svajho cieła, jakoje dla jaho taksama — abjekt mastactva. Siońnia paralelna z dydžeinham Aleh padpracoŭvaje na «Onlifans».
Jon raskazaŭ pra niuansy zarablańnia hrošaj na niu-zdymkach i videa (spojler: mužčynam prabicca składaniej).
«Kali ty atrymlivaješ ad siabie asałodu, hetym chočacca dzialicca»
Aleh naradziŭsia ŭ Minsku. Z 13 hadoŭ zajmajecca sportam, pracavaŭ aficyjantam, u rytualnych pasłuhach, zapuskaŭ ź siabram biznes — dastaŭku zdarovaha charčavańnia.
Paśla 2020 hoda chłopiec vymušana pierajechaŭ va Ukrainu, a z pačatkam poŭnamaštabnaj vajny bolšuju častku času pravodzić u Bierlinie.
«Jak by mnie niedzie nie padabaŭsia Bierlin, jak maładomu mnie treba budavać karjeru. A ŭ horadzie madelnaja i muzyčnaja industryi prysutničajuć. Plus tut dosyć vialikaje ruskamoŭna-ŭkrainamoŭnaje kamjunici, što spraščaje mnohija rečy».
Ź Minska Aleh źjazdžaŭ u tym liku ŭ pošukach novych prafiesijnych viaršyń.
«Časam ja sumuju pa Minsku, chaciełasia b pabačycca ź blizkimi, ale heta na dva-try dni, a potym, što tam rabić? Ja b, zdajecca, tam źjechaŭ z hłuzdu. Chacia klučavuju rolu dla emihracyi, kaniečnie, syhrała toje, što ŭ Biełarusi ty nie adčuvaješ siabie ŭ biaśpiecy. Maim siabram i znajomym da hetaha času vybivajuć dźviery, zatrymlivajuć za toje, što jany niekali pastavili łajk ci pakinuli niedzie kamientar, ci byli na vulicy.
U jaki momant i mianie mahli b tak uziać, zastaniecca zahadkaj. Ale žyć u krainie z takim režymam — dakładna nie vielmi», — dzielicca chłopiec.
Aleh raskazvaje, što jaho šlach zarablańnia na ŭłasnych fotazdymkach pačaŭsia ź lubovi da siabie.
«Kali ty pastajanna atrymlivaješ ad siabie asałodu, kali lubiš siabie i paŭtaraješ sabie ščyra, što ty pryhožy, hetym u vyniku chočacca dzialicca. Nie tolki pry asabistych sustrečach sa znajomymi ci, naprykład, u kłubie, dzie na ciabie hladziać nieznajomcy, ale i ŭ sacyjalnych sietkach.
Najpierš ja zavioŭ sabie instahram: publikuješ pryhožy fotazdymak — i takim čynam prynosiš ludziam radaść, a ŭ adkaz tabie robiać kamplimienty. Idzie taki abmien pazityŭnymi emocyjami».
«Pryvat pierapoŭnieny — sotni paviedamleńniaŭ»
Nieŭzabavie chłopiec zrazumieŭ, što nie daje rady kolkaści aŭdytoryi i zapytam na kamunikacyju.
«U mianie pryvat pierapoŭnieny — sotni paviedamleńniaŭ, jakija ja nie mahu razabrać. I ja nie zmahu hetaha zrabić, inakš mnie treba budzie być anłajn 24 hadziny ŭ sutki, a dziela čaho?»
Cikaŭnaść da svajoj piersony Aleh vyrašyŭ manietyzavać.
«Pra «Onlifans» mnie raskazali siabry. Stała cikava pavarycca ŭ hetaj temie. Plus praviły instahrama nie dajuć mahčymaści pościć tyja ž niudsy, eratyčnyja fotazdymki, a tam — kali łaska. Pastupova sprava pierarasła ŭ biznes. Heta, pa sutnaści, i jość biznes, dzie ty možaš zarabić nieabmiežavanuju kolkaść hrošaj. Ale tolki kali štodzionna budzieš układacca i inviestavać.
Isnuje stereatyp, što dastatkova raździecca i sfotkacca, i za heta adrazu buduć płacić. Heta nie tak. Pasprabuj jašče prarekłamavać siabie tak, kab da ciabie pryjšli, treba pastajanna raźvivać źniešnija płatformy».
«Asnoŭnyja hrošy siońnia iduć ź inšych płatform»
Aleh raskazvaje, što kolkaść fanataŭ, jak va ŭsich, u jaho varjirujecca.
«Naprykład, ciapier u mianie 150 padpisčykaŭ, ale zaŭtra ich moža być 130, bo hadavaja padpiska ŭ kahości skančvajecca i jon moža jaje nie praciahnuć. U mianie pakul što razmova idzie nie pra kolkaść, a pra jakaść aŭdytoryi. Ale ŭsie ludzi roznyja: niechta tabie za adno «pryvitańnie» zojdzie na akaŭnt i zakinie 100-200 dalaraŭ. A niedzie ja pradaju cełaje videa na piać chvilin za 20-30 dalaraŭ».
Samy vialiki zarobak z płatformy pryblizna za miesiac u Aleha byŭ kala 2500 jeŭra.
«Ale ŭ mianie asnoŭnyja hrošy siońnia iduć nie z «Onlifans». Ja mahu zarablać hrošy z tvitara, telehrama i navat svajho instahrama. Taki samy kantent ja mahu pradavać na inšych płatformach, i adrazu atrymlivać hrošy na kartku», — tłumačyć surazmoŭca.
Z «Onlifans», viadoma, taksama jość jašče kudy raści. Dla heta chłopiec padumvaje źviarnucca pa pasłuhi śpiecyjalnaha ahienctva, choć im pryjdziecca addavać da 50% zaroblenaha.
«Ja ciapier adzin, i vielmi składana rabić usio samomu. Ty musiš udzialić čas kožnamu svajmu fanatu, pry tym što ŭsie jany žyvuć u roznych časavych pajasach. Musiš daviedacca, jak u ich spravy, zaŭsiody prapanoŭvać novy kantent. A kali ty pracuješ z ahienctvam — praściej, tabie treba tolki prydumlać i adsyłać kantent».
Aleh kaža, što dziaŭčatam zarabić na płatformie praściej, čym chłopcam. Pryčyna prostaja: tam bolš hieteraseksualnych mužčyn-karystalnikaŭ. Ale jaho nie pužajuć składanaści, bo jon zajmajecca tym, što jamu sapraŭdy padabajecca.
«Ja b nikoli nie rabiŭ toje, što mnie nie pa dušy. Heta nie pra achviarnaść dziela hrošaj».
«U siabra było 30 tysiač jeŭra za miesiac niejak»
Jašče adzin varyjant chutčej raskrucicca na placoŭcy — pastajanna rabić kałabaracyi z bolš miedyjnymi madelami.
«U mianie ŭ Bierlinie jość siabra-pornaakcior, jon kaža, što adzin pracuje, i ŭ jaho było 30 tysiač jeŭra za miesiac niejak. Ale jon jakraz pastajanna rabiŭ kałabaracyi.
Kaniečnie, kali štotydzień ź niejkim novym zornym chłopcam ci dziaŭčynaj vykładać kantent, to tak streliš chutčej. Ale ja nie chaču tak pracavać, bo heta ŭžo tady pieratvorycca ŭ rucinu. Mianiać partnioraŭ niekalki razoŭ na tydzień, kab źniać videa, niaščyry seks u takim abjomie — nie dla mianie. Ludzi tak zarablajuć na mašyny i damy, ale mnie sychodzić u pornaindustryju niecikava (prynamsi, pakul što)».
Kab vyhladać na fota i videa pryvabna, Alehu prychodzicca pastajanna sačyć za saboj.
«Ja vielmi samakrytyčny čałaviek, dziakujučy hetamu ja ŭ tym liku maju takuju źniešnaść: zaŭsiody zajmajusia niejkim samaŭdaskanalvańniem. Trymaju tut dyscyplinu: kali zapuściŭ niedzie siabie, pahulaŭ doŭha, to ŭsio, bolš nie hulajem, tolki zała».
Aleh 3-5 razoŭ na tydzień naviedvaje trenažorku, starajecca nie jeści fastfud, robić dohladavyja pracedury doma (naprykład, maski dla tvaru) i raz na paŭhoda chodzić da kaśmietołaha na čystku.
U svoj čas Aleh narabiŭ šumu, źniaŭšysia ŭ realici-šou transhiendarnaj bjuci błohierki Miłany Piatrovaj. Paśla hetaha para niejki čas sustrakałasia, i heta vyklikała vialiki rozhałas u tym liku ŭ biełaruskich dziaržaŭnych ŚMI. Plus dla niekatorych svajakoŭ i znajomych Aleha stała adkryćciom jaho biseksualnaść: pra heta jany daviedalisia z samoha šou.
«Baćka narmalna adreahavaŭ. Što tyčycca maci, ja joj tady prosta skazaŭ — voś tak zdarajecca, ujavi. Bolš my hetuju temu nie zakranajem. Asabliva kali ciapier redka stelefanoŭvajemsia. Ja nie mahu ź imi adkryta pahavaryć navat pra dydžeinh. Jany hetaha nie zrazumiejuć, bo žyvuć u svaim śviecie. Tamu ŭ razmovach ź imi ja imknusia viartacca ŭ minułaje i na movie taho mianie, 13-hadovaha, ź imi kamunikavać. Chiejt taksama ad niekatorych ludziej byŭ, ale ŭ maim razumieńni bolš pakutujuć nie ludzi nietradycyjnaj aryjentacyi, a tyja, chto jak by tradycyjnaj, ale pry hetym ich tryvožyć, što ŭ kahości inšaha jość svabodnaje kachańnie.
U postsavieckim hramadstvie ŭ pryncypie kali ty vyłučaješsia, ciabie mohuć zžerci. Kali žyvieš u takim socyumie, lohka siabie nie lubić. U hetym płanie mnie padabajecca Bierlin: tut usim usio roŭna na ciabie, na toje, jak ty vyhladaješ…»
Aleh kaža, što paśla pačatku vajny va Ukrainie, dzie jon žyŭ sam, razvučyŭsia budavać dalokachodnyja płany. Ale zrabić sabie imia ŭ madelinhu i muzycy jon usio ž płanuje.
«Chočacca stać paśpiachovym dydžejem najpierš dla siabie. Plus raźvivacca jak madel, zdymacca niedzie (u Kijevie ja, naprykład, paśpieŭ pryniać udzieł u sieryjale «Piačerskija psy»). Chočacca zrabić sabie imia, kab na jaho asnovie možna było rabić biznes».
«Stabilna dasyłajuć dzikpiki». Niu-madelka Lina Capava — pra zarobak ad fota, bulinh u škole i adnosiny ź Mikitam Miełkazioravym
Mikita Miełkazioraŭ ščyra raskazaŭ pra svaje adnosiny ź niu-madellu Linaj Capavaj
U jaje tysiačy padpisčykaŭ, na spatkańni jaje zaprašajuć sielebryci, jana dobra zarablaje i maje mocny charaktar. Ale heta dziaŭčyna — štučny intelekt
Para z Hrodna pierajechała ŭ Polšču i zarablaje hrošy zdymkami filmaŭ dla darosłych
Były aficer, vyžyŭ u strašnym bai. Chto toj kalinoviec Vieramiejčyk, jakoha Vjetnam addaŭ biełaruskamu KDB?28
Kamientary
...
dyk padajecca, što ŭ Bierlinie čałaviek tradycyjnaj aryjentacyi vyhladaje nietradycyjna ciapier