Pasolstva Italii apublikavała źmieny patrabavańniaŭ da dakumientaŭ, jakija nieabchodna padavać na vizu.
Vieniecyja. Fota: «Naša Niva»
Dakumienty na vizu prymajucca tolki ŭ papiarovym vyhladzie (nie pa elektronnaj pošcie i nie ŭ ličbavym farmacie).
Bolš nie treba padavać nastupnyja dakumienty:
- finansavyja srodki dla niepaŭnaletnich, jakija vandrujuć z baćkam ci maci, jakija vystupajuć sponsaram pajezdki. Nieabchodna padać tolki sponsarski list, padpisany baćkam ci maci, jakija biaruć na siabie vydatki pa pajezdcy.
- finansavyja srodki dla muža ci žonki, jakija vandrujuć z sužencam-sponsaram. Nieabchodny tolki sponsarski list. Hetaja ŭmova pracuje tolki ŭ vypadku zarehistravanaha šlubu i nie raspaŭsiudžvajecca na pary, jakija znachodziacca ŭ nieaficyjnym sajuzie, u tym liku sumiesna pražyvajuć doŭhi čas. Sponsarski list možna napisać ad ruki niepasredna pry padačy dakumientaŭ na vizu.
- kvitki (pry pajezdcy na aŭtobusie) abo paśviedčańnie kiroŭcy/dakumienty na aŭtamabil (pry pajezdcy na aŭtamabili), jakija paćviardžajuć prajezd ź Minska ŭ bližejšy aeraport vyletu.
- paćvierdžańnie miesca pražyvańnia ŭ tranzitnych krainach.
- elektronny kluč indyvidualnaha pradprymalnika (dosyć pieršaj staronki).
- dakumienty, jakija paćviardžajuć prava ŭłasnaści na nieruchomaść / ziamielnyja ŭčastki ŭ Biełarusi.
Kamientary