Bunt kamierunskaha futbalista ŭ biełaruskim kłubie: jon patrabavaŭ nie karmić jaho hrečkaj
Futbolny ahient Juryj Famin raspavioŭ pra adzin kurjozny vypadak z udziełam kamierunskaha lehijaniera.
Paŭabaronca z Kamieruna Dzieniahcha Saahi vystupaŭ za «Minsk» ź pierapynkam u 2022-2023 hadach. Dla na toj momant 20-hadovaha futbalista heta byŭ pieršy dośvied vystupaŭ za miažoj — i adrazu na inšym kantyniencie.
U vyniku, adaptacyja da biełaruskich realij prachodziła nie biez prablem. Ahient hulca Juryj Famin raspavioŭ sport5.by, što Saahi adnojčy navat zładziŭ sapraŭdny pratest — z-za hrečki.
«Bytavyja historyi vielmi prostyja. Futbolny kłub «Minsk», minuły siezon, i ŭ niejki pieryjad vielmi šmat hrečkaj karmili, a afrykancy nie razumieli, što heta za pradukt. Dajšło da taho, što ŭ niejki momant Saahi skazaŭ, kali siońnia budzie hrečka, to na treniroŭku nie vyjdzie.
Pryjšłosia schadzić u kramu na praśpiekcie Pieramožcaŭ, kupić jamu makarony, prasić u kuchara indyvidualna zvaryć jamu ich. Na bazie FK «Minsk» jość vydatny śpiecyjalist Volha, jakaja skazała, što budzie jamu varyć pačak u dzień, chaj jeść na zdaroŭje», — raspavioŭ Famin.
Saahi pravioŭ za asnovu «Minska» 24 matčy ŭ čempijanacie i Kubku Biełarusi i addaŭ 3 vynikovyja pieradačy. U studzieni 2024 hoda pakinuŭ biełaruski kłub. Z taho času, vidać, šukaje pracu.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha8
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary