U siamji fihurystaŭ Marharyty Drabiazki i Poviłasa Vanahasa zdaryłasia radasnaja padzieja — jany ŭpieršyniu stali baćkami.
Situacyja, na pieršy pohlad, zvyčajnaja, kali nie brać u raźlik uzrost spartsmienaŭ. Marharycie — 52 hady, a Poviłasu — 54, piša Tochka.by.
Drabiazka i Vanahas pažanilisia ŭ 2000 hodzie, ale dziaciej zavodzić nie śpiašalisia, addaŭšy pieravahu karjery. Navina ab ciažarnaści Marharyty ździviła prychilnikaŭ — jany nie čakali, što spartoŭka rašycca na hety krok u takim uzroście.
Ab budučym papaŭnieńni ŭ siamji fihurystka paviedamiła ŭ kancy listapada.
«Usiaho tydzień da sustrečy z malečaj», — padpisała jana fatahrafii, dzie ŭžo nie chavała svaju ciažarnaść.
Cikava, što ab naradžeńni dziciaci fihurysty aficyjna nie paviedamlali, ale prychilniki ŭžo vinšujuć paru.
«Darahija Marharyta i Poviłas! Ź vialikaj radaściu i ciapłom u sercy vinšujem vas z hetaj cudoŭnaj padziejaj — naradžeńniem vašaj dačuški! Vaš dom napoŭniŭsia śviatłom i ščaściem, a razam ź im pryjšło novaje žyćcio, poŭnaje nadziej i maraŭ», — napisali jany ŭ aficyjnym fan-akaŭncie muža i žonki.
Fihurystka stała papularnaj na postsavieckaj prastory paśla ŭdziełu ŭ pieršym siezonie «Lednikovaha pieryjadu». Zdaryłasia heta ŭ 2007-m. Choć i raniej u spartyŭnych kołach Drabiazka była dobra viadomaja.
Marharyta naradziłasia 21 śniežnia 1971 hoda ŭ Maskvie i pačała tam zajmacca fihurnym katańniem. Ale paśla raspadu SSSR jana pryniała rašeńnie vystupać za Litvu, bo jaje partnior Poviłas Vanahas mieŭ hramadzianstva hetaj krainy.
Razam u tancach na lodzie jany stali 13-razovymi čempijonami Litvy, dvuchrazovymi bronzavymi pryziorami čempijanatu Jeŭropy, bronzavymi pryziorami čempijanatu śvietu. Udzielničali muž i žonka ŭ piaci Alimpijadach.
U 2022-m prezident Litvy Hitanas Naŭsieda padpisaŭ dekret ab pazbaŭleńni fihurystaŭ Poviłasa Vanahasa i Marharyty Drabiazka rycarskich kryžoŭ ordena vialikaha kniazia Hiedymina. Rašeńnie było pryniata z-za taho, što fihurysty ŭziali ŭdzieł u Ladovym šou, jakoje ŭ Sočy arhanizavała Taćciana Naŭka. Paźniej Drabiazka była pazbaŭlenaja hramadzianstva Litvy.
«Niepadkupnym» biełaruskim dypłamatam u Małdovie akazaŭsia kadravy supracoŭnik KDB2
Kamientary