Čamu rastuć čerhi z fur na miažy? Pryčyna nie tolki ŭ navahodnich śviatach
U kastryčniku-listapadzie čerhi z hruzavikoŭ na vyjezd ź Biełarusi skaračalisia, ale ciapier nazirajecca advarotnaja tendencyja.
Jak było raniej? Kali 1 kastryčnika vyjezdu ź Biełarusi ŭ susiednija krainy ES čakali bolš za 2700 hruzavikoŭ, to ŭžo 1 listapada — usiaho 640.
Na značnaje źmianšeńnie čerhaŭ na miažy paŭpłyvali sankcyi ES ad 29 červienia 2024 hoda. Reč u tym, što, za niekatorymi vyklučeńniami, abaviazki pa kantraktach, zaklučanych da 1 lipienia 2024 hoda, mahli vykonvacca da 2 kastryčnika 2024 hoda.
Paśla taho, jak abmiežavańni zapracavali napoŭnicu, śpis tavaraŭ, jakija možna ekspartavać ź ES u Biełaruś, značna skaraciŭsia. Adpaviedna pamienšaŭ i hruzapatok. Zdavałasia, što vializarnyja čerhi zastanucca ŭ minułym, ale apošnim časam jany znoŭ rastuć.
Naturalna, što nijakaha pasłableńnia ŭ sankcyjach nie adbyłosia, tamu pra značnaje pavieličeńnie hruzapatoku kazać nie vypadaje.
Pry hetym varta adznačyć, što pierad navahodnimi śviatami čerhi z hruzavikoŭ tradycyjna padrastali navat u dakavidnyja časy, kali na miežach pracavali ŭsie punkty propusku.
Ale statystyka Dziaržpahrankamiteta i śviedčańni kiroŭcaŭ-dalnabojščykaŭ śviedčać, što heta nie adziny faktar, jaki ŭpłyvaje na situacyju.
Reč u tym, što ŭ kastryčniku i pačatku listapada praz dva litoŭskija i adzin łatvijski punkt propusku za sutki ź Biełarusi ŭ ES prajazdžała kala 300 hruzavikoŭ (pa 100 u kožnym z punktaŭ propusku). Apošnim časam prapusknaja zdolnaść značna pamienšała.
Tak, naprykład, za pieršyja sutki śniežnia ź Biełarusi ŭ hetym kirunku vyjechała tolki 184 hruzaviki. Dniom paźniej — 176.
Antyrekord byŭ zafiksavany 9 śniežnia. Pa stanie na 10 ranicy za sutki ź Biełarusi ŭ Łatviju praz «Hryharoŭščynu» vyjechała tolki 42 hruzaviki. U Litvu praz «Bieniakoni» — 28, a praz «Kamienny Łoh» — usiaho 11. Atrymlivajecca 81 hruzavik na ŭsie try punkty propusku.
Apošnija dni praz dva litoŭskija i adzin łatvijski punkt propusku ź Biełarusi ŭ ES vyjazdžaje kala 150 fur (suprać 300 u kastryčniku i listapadzie).
Čerhi na adzinym dziejnym hruzavym punkcie propusku na miažy z Polšča naohuł bjuć rekordy. Pa stanie na 12 hadzin 16 śniežnia, vyjezdu ź Biełarusi praz «Kazłovičy» čakaje 2160 fur, a na piku a 22-j hadzinie 15 śniežnia ŭ čarzie naličvałasia 2300 vielikahruzaŭ.
Pry hetym, praz hety punkt propusku za sutki prajazdžaje ŭ niekalki razoŭ bolš hruzavikoŭ, čym praz try astatnija. Polski bok prymaje kala 650-750 fur u sutki. I hetyja pakazčyki ŭ adroźnieńni ad pierachodaŭ z Łatvij i Litvoj zastajucca stabilnymi.
Dalnabojščyk tłumačyć źjaŭleńnie šalonych čerhaŭ na miažy z Polščaj tym, što pieravozčyki pa mahčymaści starajucca paźbiahać prajezdu praz Łatviju i Litvu.
«Litoŭcy stali vielmi marudna pracavać, asabliva apošnim časam. Kalehi kažuć, što čarha moža pa niekalki hadzin stajać kołam.
Tamu čarhu z 1000 fur «na Polščy» možna prajechać našmat chutčej, čym kali staić 300 fur na «Kamiennym Łozie». Kali bačyš na «Kazłovičach» 200 mašyn pierad saboj, to heta čarha na paru hadzin. A ŭ «Kamiennym Łozie» — na paru sutak», — skardzicca kiroŭca.
Kiroŭca miarkuje, što pry žadańni čerhi na miažy ź Litvoj daŭno mahli źniknuć.
«Ciapier ža navat takoha trafiku ź lehkavikoŭ i aŭtobusaŭ niama. Zahružanaść stała mienšaj, ale jany naadvarot jašče bolš marudziać z hruzavikami», — padzialiŭsia surazmoŭca.
«Niepadkupnym» biełaruskim dypłamatam u Małdovie akazaŭsia kadravy supracoŭnik KDB4
Kamientary
Škada vielmi što naohuł hruzaviki prapuskajuć. Pasažyrskich punktaŭ propusku całkam dadstatkova. Lubyja hruzaviki - hrošy ŭ kišeniu łuki i na turmy dla palitviaźniaŭ.
O ludiach podumajtie. Riežim i pribležiennyje kak raz taki mieńšie vsieho stradajut