Biełaruskuju movu va Ukrainie chočuć vyklučyć sa śpisu moŭ, jakija padlahajuć abaronie
Va ŭkrainskim uradzie ŭchvalili prajekt zakona «Ab uniasieńni źmienaŭ u niekatoryja zakony Ukrainy ŭ suviazi z abnaŭleńniem aficyjnaha pierakładu Jeŭrapiejskaj chartyi rehijanalnych abo minarytarnych moŭ», paviedamiŭ pradstaŭnik ukrainskaha ŭrada ŭ Viarchoŭnaj Radzie Taras Mielničuk. Hetyja źmieny tyčacca i biełaruskaj movy.
Siarod inšaha ŭ prajekcie prapanujecca abnavić pieralik moŭ, da jakich budzie prymianiacca adpaviedny režym padtrymki i asablivaj abarony, praduhledžany Jeŭrapiejskaj chartyjaj rehijanalnych abo minarytarnych moŭ.
U pryvatnaści, praduhledžana, što va Ukrainie pałažeńni Chartyi buduć prymianiacca da nastupnych moŭ: bałharskaja, vienhierskaja, hahauzskaja, krymskatatarskaja, navahrečaskaja, niamieckaja, polskaja, rumynskaja, słavackaja, češskaja i iŭryt.
Raniej hetyja pałažeńni raspaŭsiudžvalisia taksama na rasiejskuju i biełaruskuju movy, ale ŭ prajekcie novaha zakona jany nie pieraličvajucca.
Što za studentka Uljana, ź jakoj na bali valsiravaŭ Łukašenka?9
Kamientary