Kiraŭnika kantrolnaha ŭpraŭleńnia Ministerstva pa padatkach i zborach złavili na atrymańni chabaraŭ
Jašče letaś Andrej Sidarčuk byŭ na štohadovym vystupie Łukašenki ŭ Pałacy Respubliki. Ciapier ža jon za kratami.
Andrej Sidarčuk doŭhi čas pracavaŭ u struktury Ministerstva pa padatkach i zborach. Jak minimum z 2019 hoda jon uznačalvaŭ Hałoŭnaje ŭpraŭleńnie arhanizacyi kantrolnaj dziejnaści ministerstva.
U kampietencyju jaho ŭpraŭleńnia ŭvachodzić, naprykład, kantrol za pravierkami padatkovaj, analiz mietadaŭ abychodu padatkovaha zakanadaŭstva, a taksama baraćba ŭ niezakonnym pradprymalnictvam. Vidać, Sidarčuk byŭ na dobrym rachunku, bo pracavaŭ doŭha, a ŭ 2023-m prysutničaŭ na štohadovym zvarocie Łukašenki.
Nieviadoma, kali jaho aryštavali, ale źnik jon paśla lutaha 2024 hoda. Ciapier zamiest jaho kantrolnaje ŭpraŭleńnie ŭznačalvaje Taćciana Jaŭdaśjeva.
Razam ź Sidarčukom sudziać dvaich pradprymalnikaŭ — Michaiła Stelmacha i Marynu Babkievič. Aboje jany finansavyja kansultanty, Stelmach — pa pytańniach kamiercyjnaj dziejnaści i kiravańnia, a Babkievič — pa padatkaabkładańni.
Sud pačynajecca 17 studzienia 2025. Siarod abvinavačvańniaŭ udzielnikam hrupy jość «atrymańnie chabaru» (č. 2 i č. 3 art. 430 KK), a jość «dača chabaru» (č. 1 i č. 3 art. 431 KK).
Chutčej za ŭsio, chabar davali mienavita Sidarčuku. Jamu budzie pahražać da 15 hadoŭ kałonii, bujny štraf i zabarona zajmać peŭnyja pasady.
«Naša Niva» — bastyjon biełaruščyny
PADTRYMAĆAsudzili milicyjanta, jaki ŭ 2020-m danosiŭ na pratestoŭcaŭ. Jon prabivaŭ ludziej pa bazach MUS i pradavaŭ źviestki
Kiraŭnika kryminalnaj milicyi Klimavičaŭ aryštavali za chabar. Pahražaje da 15 hadoŭ
U Rasii zatrymali jašče adnaho hienierała — u Minabarony jon adkazvaŭ za rečavaje zabieśpiačeńnie armii
Kamientary
Pamianšeńnie rabunku stanoŭčaja, karysnaja źjava