«Nie adpaviadaje vobrazu manacha». RPC adstaviła mitrapalita, jaki trapiŭ u seksualny skandał
Rašeńnie pa spravie byłoha kiraŭnika Budapiešcka-Vienhierskaj jeparchii Iłaryjona (u śvieckim žyćci Hryhoryja Ałfiejeva) vynies Śviaščenny sinod RPC, prytym nie prydumlajučy štučnych pryčyn. Adnak novaje miesca słužby ijerarcha budzie kurortnym.
U rašeńni pa spravie pradpisvajecca
«źviarnuć uvahu mitrapalita Iłaryjona na nieadpaviednaść charaktaru jaho adnosin z najbližejšym asiarodździem i jaho pobytu vobrazu manacha i śviatara».
Ciapier Iłaryjon, jaki kiravaŭ Budapiešcka-Vienhierskaj jeparchijaj i ličyŭsia hałoŭnym carkoŭnym dypłamatam, budzie znachodzicca pry chramie Piatra i Paŭła ŭ češskich Karłavych Varach, dalejšaha rasśledavańnia jaho dziejnaści nie budzie.
5 lipienia vydańnie «Novaja hazieta Jeŭropa» apublikavała kampramat na Iłaryjona ad jaho kielejnika Hieorhija Suzuki, jaki abvinavaciŭ mitrapalita ŭ seksualnych damahańniach. Dakumienty na praciahu paŭhoda da hetaha prapanoŭvalisia roznym ŚMI. Nieŭzabavie paśla publikacyi Iłaryjona adchilili ad kiravańnia jeparchijaj.
Akramia inšaha, ŚMI pisali, što mitrapalit Iłaryjon zdoleŭ atrymać vienhierski pašpart i staŭ uładalnikam majontka pad Budapieštam. Paśla taksama źjaviłasia infarmacyja, što ŭ Iłaryjona jość kvatera na bierazie Ženieŭskaha voziera ŭ Francyi.
Mitrapalit abvinavačańni na svoj adras adchilaŭ i nazyvaŭ ich sprobaj «sastryhčy hrošy», vykazaŭšy hatoŭnaść davodzić svaju racyju ŭ sudzie.
Bolš taho, Iłaryjon sam abvinavaciŭ Suzuki ŭ tym, što jahonaja maci nibyta šantažom vymahała ŭ mitrapalita 384 tysiačy jeŭra. Taksama ŭ praŭładnych ŚMI źjaviŭsia artykuł, u jakim śćviardžałasia, što videa i aŭdyjo damahańniaŭ Iłaryjona da Suzuki byli nibyta sfabrykavanyja.
Mitrapalita RPC adchilili ad pasady paśla abvinavačvańniaŭ u seksualnych damahalnictvach
«U adnym łožku». Seksualny skandał vakoł favaryta patryjarcha Kiryła
Byłoha kiraŭnika BPC padazrajuć u «spryjańni zachopu chramaŭ» na akupavanych terytoryjach Ukrainy
Mitrapalit Vienijamin nazvaŭ adnu ź pieršych spraŭ Hramadskaj rady pa maralnaści — admianili śpiektakl, jaki pakazvali 10 hadoŭ
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary
Kuryravaŭ Orbanam