Chase Muchika žyvie na stareńkaj fiermie i maje zarobak siaredni pa krainie.
Praktyčna ŭ luboj krainie śvietu ludzi časta skardziacca na toje, što palityki nie viedajuć i nie razumiejuć, jak žyvie prosty narod. Ale nie va Uruhvai. Znajomciesia: prezident Chase Muchika, askiet i viehietaryjaniec. Jon žyvie na stareńkaj fiermie i addaje amal uvieś zarobak na dabračynnaść.
Pierad jaho domam na viaroŭkach sušycca bializna. Pa vadu treba chadzić da kałodzieža pasiarod zarosłaha travoj dvara. Dom achoŭvajuć usiaho dvoje palicyjantaŭ i trochnohi sabaka pa mianušcy Manueła.
Mienavita tak žyvie Chase Muchika — prezident Uruhvaja, čyj styl žyćcia mała padobny na toj, jakim zvyčajna žyvuć mocnyja hetaha śvietu.
Prezident Muchika admaŭlajecca žyć u aficyjnaj rezidencyii addaje pieravahu svajoj fiermie niepadalok ad Mantevidea. Da doma viadzie tolki adna vuzkaja hruntavaja daroha.
Prezident i jaho žonka vyroščvajuć kvietki na prodaž. Najomnych rabotnikaŭ u ich niama.
«Ja vielmi dobra žyvu»
Za taki askietyčny styl žyćcia, a taksama za toje, što prezident Muchika addaje na dabračynnaść kala 90% svajho zarobku (a jon atrymlivaje 12 tys. dalaraŭ u miesiac), jaho nazyvajuć samym biednym prezidentam u śviecie.
«Ja tak žyvu ŭsio žyćcio, — kaža Muchika, siedziačy ŭ svaim sadzie na stareńkim kreśle. Na kreśle paduška, jakuju ŭpadabaŭ sabaka Manueła. — Ja vielmi dobra žyvu majučy toje, što ŭ mianie jość».
Prezident addaje svaje hrošy dabračynnym arhanizacyjam, jakija dapamahajuć biednym i drobnamu biznesu.
U vyniku jaho zarobak prykładna roŭny siaredniamu pa Uruhvaju — 775 dalaraŭ u miesiac.
Usie dziaržaŭnyja słužačyja va Uruhvai abaviazany dekłaravać svaje dachody i asabistuju majomaść. U 2010 hodzie majomaść prezidenta składałasia z mašyny
U hetym hodzie Muchika taksama ŭnios u dekłaracyju pałovu majomaści žonki — heta ziamla, niekalki traktaroŭ i dom. U vyniku jaho kapitał vyras da 215 tys. dalaraŭ.
Chase Muchika byŭ abrany prezidentam Uruhvaja ŭ 2009 hodzie. U
Šeść raz jon byŭ paranieny, i 14 hadoŭ pravioŭ u turmie. Bolšuju častku terminu Muchiku trymali ŭNa volu jon vyjšaŭ u 1985 h., kali va Uruhvai znoŭ zapanavała demakratyja.kamiery-adzinočcy .
Pa słovach prezidenta, hady, praviedzienyja ŭ źniavoleńni, sfarmavali jaho pohlady na žyćcio.
«Mianie nazyvajuć samym biednym prezidentam, ale ja biednym nie pačuvajusia.Biednyja — heta tyja, chto pracujuć tolki dla taho, kab žyć u raskošy. Im uvieś čas chočacca ŭsio bolš i bolš».
«Kali ŭ vas mała rečaŭ, to niama sensu ŭsio žyćcio pracavać jak rab, dla taho kab nabyvać hetyja rečy. U vyniku budzie bolš času dla samoha siabie».
«Moža, ja i padobny na staroha dzivaka… Ale heta moj vybar».
Lehalizacyja marychuany
Prezident Uruhvaja paŭtaryŭ hetuju ž dumku na červieńskim samicie «vialikaj dvaccatki» u
«Uvieś dzień my kazali ab ustojlivym raźvićci. Pra toje jak zmahacca ź biednaściu. Ale pra što my dumajem? Niaŭžo my chočam dasiahnuć uzroŭniu raźvićcia i spažyvańnia bahatych krain? Ja vas pytajusia: što stanie z našaj płanietaj, kali ŭ indyjcaŭ na kožnuju siamju budzie stolki ž mašyn, jak i ŭ Niamieččynie? Kolki kisłarodu zastaniecca tady na płaniecie?»
«Ci jość na našaj płaniecie dastatkova resursaŭ dla taho, kab siem ci vosiem miljardaŭ čałaviek dasiahnuli taho ž uzroŭniu marnatraŭstva, jak u bahatych krainach? Bo mienavita takoje hipierspažyvańnie i nanosić škodu našaj płaniecie», — zajaviŭ ŭruhvajski lidar na samicie.
Chase Muchika abvinavačvaje bolšaść sučasnych palityčnych lidaraŭ u tym, što jany «apantanyja idejaj rostu ekanomiki za košt spažyvańnia, jak byccam biez hetaha nastupić kaniec śvietu».
Ale jak by ni adroźnivaŭsiaprezident-viehietaryjaniec Uruhvaja ad inšych lidaraŭ, jon zastajecca palitykam.
«Muchika padabajecca mnohim
Uruhvajskaja apazicyja zajaŭlaje, što rost ekanomiki krainy nie pryvioŭ da palapšeńnia ŭ adukacyi i sistemie achovy zdaroŭja. Rejtynh prezidenta ŭpieršyniu ŭpaŭ nižej za 50%.
Prezident padviarhajecca krytycy i za šerah svaich rašeńniaŭ.Kanhres Uruhvaja pryniaŭ zakon, što lehalizuje aborty terminam da 12 tydniaŭ ciažarnaści. U adroźnieńnie ad svajho papiarednika prezident Muchika nie nakłaŭ vieta.
Jon taksama padtrymlivaje ideju lehalizacyi ŭžyvańnia marychuany i choča ŭvieści dziaržaŭnuju manapoliju na handal «traŭkaj».
«Užyvańnie marychuany — nie samaja strašnaja reč, — ličyć ŭruhvajski prezident. — Sapraŭdnaja prablema — heta narkahandal».
Adnak chvalavacca z nahody padzieńnia papularnaści siarod vybarščykaŭ Muchiku nie varta. Zakony Uruhvaja nie praduhledžvajuć mahčymaści pieravybrańnia prezidenta na druhi termin. Akramia taho, jamu ŭžo 77 hadoŭ, i chutčej za ŭsio, u 2014 hodzie jon prosta sydzie.
Kali heta adbudziecca, jon pačnie atrymlivać piensiju. I ŭ adroźnieńnie ad niekatorych inšych byłych prezidentaŭ, jamu naŭrad ci pryjdziecca pryvykać da rezkaha źnižeńnia dachodu.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»1
Kamientary