Ведущий «Орла и решки», боксер, звезда Playboy. Кто из известных украинцев участвует в защите страны
Война объединила народ Украины перед одной целью: отстоять волю для себя и страны. Среди тех, кто сейчас на передовой, хватает известных людей — певцы, телеведущие, спортсмены (даже те, кто раньше придерживался пророссийских взглядов). Рассказываем о них.
Андрэй Хлыўнюк (гурт «Бумбокс»)
Фоты: znaj.ua, life.nv.ua.
Некалі Хлыўнюк і яго калектыў стварылі саўндтрэк «Вахцёрам» да расійска-ўкраінскага фільма «Чырвоны жэмчуг кахання». Тая песня іх праславіла і за межамі Украіны, але цяпер у спевака зусім іншае жыццё. Ужо праз пару дзён пасля пачатку вайны музыкант уступіў у тэрабарону Кіева і атрымаў зброю.
Некалькі дзён таму Хлыўнюк запісаў відэазварот да расійскіх акупантаў.
«Вас тут чакаюць у кожнай хаце, у кожным вакне, кожная нават самая стомленая старэнькая бабуля вас будзе біць чарпаком, лапатай вас будзе старацца забіць, вы зразумелі? Вас спаляць за тое, што вы робіце сёння. Вы бамбіце мой горад, мой Кіеў», — выказаўся спявак.
Святаслаў Вакарчук («Океан Ельзи»)
Спявак, якому не патрэбна прадстаўленне. На музыцы яго гурта вырасла цэлае пакаленне не толькі ўкраінцаў, але і беларусаў.
Вакарчук не рабіў гучных заяваў наконт свайго жадання ісці на перадавую, але ж нядаўна стала вядома, што Святаслаў увайшоў у склад львоўскай тэрабароны. Пра гэта напісаў у сваім тэлеграм-канале кіраўнік Львоўскай абласной адміністрацыі Максім Казіцкі. Ён адзначыў, што Вакарчук з'яўляецца афіцэрам запасу.
У канцы лютага Вакарчук звярнуўся праз інстаграм да беларусаў:
«Шмат гадоў мы сустракаліся з вамі на нашых канцэртах. Я бачыў вашы шчырыя ўсмешкі, непадробную любоў. Я памятаю, як дзясяткі тысяч людзей спявалі разам з намі «Я не здамся без бою». Асабліва жудасна зараз разумець, што два дыктатары ўцягваюць у вайну супраць Украіны і беларусаў».
Спявак дапамагае Радзіме не толькі са зброяй у руках. У пачатку сакавіка Вакарчук наведаў ваенны шпіталь у горадзе Днепр, каб падтрымаць украінскіх байцоў.
Аляксандра Зарыцкая («KAZKA»)
Вы можаце памятаць Зарыцкую па самабытнай песні «Плакала» (пабачыць відэакліп можна тут). Зараз, калі Радзіма ў небяспецы, Аляксандра не сядзіць без справы — дзяўчына разам з мамай запісалася ў валанцёркі. Яна збіраецца дапамагаць Украіне, чым можа, і кажа, што вельмі хутка навучылася з мамай плясці маскіровачныя сеткі.
Спявачка запісала ў інстаграме відэазварот, дзе падзялілася хваляваннем за абаронцаў:
«Я кожную хвіліну турбуюся за нашых хлопцаў, якія стаяць на перадавой. Я нават не магу ўявіць, як ім зараз цяжка. Хачу, каб вы ведалі, што мы зараз вельмі ў вас верым, і мы верым у нашу краіну. Мы верым, што нас чакае будучыня, што нас чакае вельмі класная будучыня».
Васіль Ламачэнка
Усе тытулы, якія Ламачэнка паспеў сабраць у боксе, і пералічыць цяжка. Самыя важныя гучаць так: алімпійскі чэмпіён 2008 і 2012 гадоў, чэмпіён свету 2009 і 2011 гадоў, чэмпіён Еўропы 2008 года.
Цяпер Ламачэнка будзе абараняць ад захопнікаў свой родны горад — Белгарад-Днястроўскі, што ў Адэсскай вобласці. Васіль уступіў у мясцовую тэрабарону. Учынак Ламачэнкі шмат каго здзівіў: раней лічылася, што баксёр прытрымліваецца прарасійскіх поглядаў.
Аляксандр Усік
Яшчэ адзін вядомы ўкраінскі баксёр, чэмпіён свету ў зверхцяжкай ваге. Некалі Усік ухіляўся ад адказу на пытанне «Чый Крым?», падтрымліваў сувязь з праваслаўнай царквой Маскоўскага патрыярхата. Яго асабліва крытыкавалі за ўдзел у стужцы «Вітаю, брат! Хрыстос уваскрос» — сумесным праекце аднаго з расійскіх манастыроў і Кіева-Пячэрскай лаўры пра «веру і сяброўства» расійскіх і ўкраінскіх спартоўцаў.
Але ж з пачаткам вайны ўсё змянілася. Аляксандр запісаўся ў тэрабарону Кіева, дзе жыве апошнія гады, а таксама выпусціў некалькі яркіх відэазваротаў. Ён заклікае ўкраінцаў аб'яднацца ў гэты цяжкі час, называе свой народ самым магутным у свеце і кажа, што ганарыцца быць украінцам.
Коля Серга
За межамі Украіны Сергу ведаюць у асноўным як вядучага тэлепраекта пра падарожжы «Арол і рэшка». Апроч гэтага Коля — музыкант і паэт, мае свой гурт.
24 лютага, у дзень нападу Расіі на Украіну, Серга збіраўся сустракацца са студэнтамі ВНУ ў Мікалаеве, а ўвечары ладзіць вялікі канцэрт. Цяпер у тэлевядучага зусім іншае жыццё: ён далучыўся да ваенных, што абараняюць Адэсу.
Дзякуючы «Арлу і рэшцы» Сергу ведаюць у Расіі, таму ён спрабуе дагрукацца да расіян праз свае звароты. Як і шмат іншых украінскіх зорак, Коля заклікае расіян выступіць супраць улады:
«Фраза «мы простыя людзі, нічога не можам зрабіць у Расіі, нам не даюць выбару» кажа толькі пра тое, што ў вас ёсць выбар. У нас няма выбару. Таму мы абараняем свой дом ад агрэсара, які ў шмат разоў яго пераўзыходзіць. А ў вас выбар ёсць. І вы робіце свой з-за страху. І выбіраеце тую праўду, якая апраўдвае вашу баязлівасць».
Даша Астаф'ева
Адна з тых, каго зусім не чакаеш пабачыць у такім спісе. Украінская мадэль, спявачка і зорка Playboy Даша Астаф'ева спрабуе падтрымаць украінскую армію як можа, для чаго і запісалася ў валанцёркі.
Зорка дапамагае рабіць ежу для ваенных: у сеціве можна знайсці здымкі, на якіх яна чысціць бульбу і наразае агуркі разам з іншымі жанчынамі. У сторыс Астаф'ева называе гэта «днём сурка», але пры гэтым выказвае захапленне арганізацыяй працы валанцёрак.
Таксама Даша дапамагае разгружаць гуманітарную дапамогу і падрыхтоўваць яе для перадачы тым, каму гуманітарка патрэбная. А каб падтрымаць украінскую армію фінансава, Астаф'ева нават зрабіла сваю ўласную калекцыю NFT, усе сродкі ад продажы якой пойдуць на карысць ваенных.
Паша Лі
Пару дзён таму гэтага акцёра, які пайшоў у тэрабарону, не стала — хлопец загінуў пад абстрэламі расійскай арміі ў Ірпені.
33-гадовы Паша Лі здымаўся ў стужках «Штольня», «Тіні незабутих предків», «Зустріч однокласників», працаваў на дубляжы фільмаў.
Вось апошняе, што ён напісаў у сваім інстаграме:
«За апошнія 48 гадзін ёсць магчымасць сесці і фота кінуць пра тое, як нас бамбяць, а мы ўсміхаемся, бо справімся, і ўсё будзе Украіна. Мы працуем!».
Комментарии