«Расіянін з беларускай душой» спявае пра любоў да Беларусі з Вікторыяй Алешка
Расійскі спявак Іван Дзятлаў запісаў разам з заслужанай артысткай Беларусі Вікторыяй Алешка песню «Неба Беларусі». Яны спадзяюцца выканаць «Неба Беларусі» ў «Дзень народнага адзінства» некалькі разоў на розных пляцоўках.
Апошнія дні песню актыўна прэзентуюць падчас ранішніх перадач. Словы і музыку напісала маладая аўтарка Алена Шандабыла. Дарэчы, у сацыяльных сетках дзяўчыны пазначаная, што яна — «сонграйтар для Стаса Міхайлава, Мікалая Баскава, Жанет, І. Дзятлава ды інш.».
— Заўсёды лёгка нешта рабіць, калі шчыра і ад душы. Я ўпэўненая, што Ваня, нягледзячы на тое, што ён з Расіі…
Таксама ён расказаў, што даўно сочыць за творчасцю Вікторыі, а сёлета пазнаёміўся з ёй на «Славянскім базары», дзе яны абое былі ў складзе журы дзіцячага конкурсу. Іван прапанаваў заспяваць дуэтам. Цалкам магчыма, што Алешка як вопытная ўдзельніца канцэртаў «За Беларусь» хутка прыдумала, якую кампазіцыю будзе лёгка прадаць дзяржаве.
Выглядае, што Іван Дзятлаў — адзін з тых артыстаў, хто зразумеў, што зараз найбольш просты шлях да поспеху ідзе праз патрыятызм. Не мае значэння, наколькі ты таленавіты: калі ты спяваеш патрыятычна, цябе буду запрашаць на ўсе праўладныя канцэрты. А гэта стабільнае паступленне ганарараў.
У 2019 годзе Іван заняў трэцяе месца на «Славянскім базары». А ў 2023 перамог у другім сезоне музычнага праекту «Фактар.by». Спявак стаў нярэдкім госцем на беларускім тэлебачанні.
— Я спадзяюся, што Іван застаецца ў нас надоўга, а не толькі на гэтае свята, — сказаў вядоўца «Нашай раніцы» на АНТ.
Ён таксама дадаў, што гісторыя яго сям'і цесна звязана з Беларуссю. Дзед, паводле яго слоў, служыў у Брэсцкай крэпасці, бацька вучыўся ў Мінску ў Вайсковай акадэміі. Іван жартуе, што ўсіх мужчын у ягонай сям'і цягне да Беларусі.
Каментары