Vice-premjer Bałharyi: I patryjarch Kirył, hety ahient KHB «Michajłaŭ», maje nachabstva vučyć nas «iścinie»?
Vizit patryjarcha Maskoŭskaha ŭ Bałharyju skončyŭsia skandałam.
Patryjarch Kirył mieŭ nieaściarožnaść u prysutnaści prezidenta Bałharyi vykazać pretenzii bałharam. Jon niekalki chvilin havaryŭ pra svajo rasčaravańnie tym, jak u Bałharyi interpretujecca vyzvaleńnie ad turkaŭ. Patryjarch śćviardžaŭ, što bałhary prymianšajuć rolu Rasiei ŭ hetych padziejach.
Heta vyklikała reakcyju bałharskich uładaŭ. Vice-premjer urada Bałharyi Valeryj Simiaonaŭ zajaviŭ:
«Hety čałaviek nie spuściŭsia ź niabiosaŭ, nie vyjšaŭ z raju i nie źjaŭlajecca pasłańnikam Isusa Chrysta. Jon viadomy jak tytuniovy mitrapalit Rasii. Z 1996 hoda jon zavioz na 14 miljardaŭ dalaraŭ biezakcyznych cyharet. Na 14 miljardaŭ dalaraŭ hety chitrun zavioz biezakcyznych cyharet i na 4 miljardy dalaraŭ — vina dla patreb carkvy. I ŭ jaho chapaje nachabstva pierad prezidentam havaryć pra «iścinu»? U jaho jość pryvatny samalot. U jaho hadzińnik kaštuje 30 tysiač. Chto jon? Heta nie pravasłaŭny duchoŭny, heta ahient Michajłaŭ — dakazany ahient savieckaha KHB. I druharazradny ahient savieckaha KDB pryjedzie i budzie mnie raskazvać, što iścina, a što nie iścina? Tak nie atrymajecca», — skazaŭ Simiaonaŭ u prajm-tajm bałharskaha telebačańnia.
Patryjarcha Kiryła, u pryvatnaści, aburyła, što bałhary ŭ śpisie nacyj, jakim padziakavali za vyzvaleńnie, naroŭni z rasiejcami nazvali i narody byłoj Rasijskaj impieryi — biełarusaŭ, palakaŭ, finaŭ, litoŭcaŭ, bo bajcy hetych nacyjanalnaściej udzielničali ŭ vajnie z turkami. «Mianie vielmi zasmučała, što ŭ aficyjnaj rytorycy pradstaŭnikoŭ dziaržavy naroŭni z Rasijaj rolu vyzvalicielaŭ hrajuć, akazvajecca, Polšča, Litva i Finlandyja. Kali ja pacikaviŭsia, adkul hetaja dziŭnaja historyjasofija, to zrazumieŭ: lejb-hvardyi Finlandski połk rasijskaj armii braŭ udzieł u vyzvalenčaj baraćbie. Ale heta byŭ rasijski połk, raskvataravany ŭ Finlandyi, sapraŭdy hetak ža jak i pałki rasijskaj armii znachodzilisia i ŭ Polščy!» — pračytaŭ natacyju kiraŭnik RPC.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha8
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary