Adnoj z hałoŭnych słavutaściaŭ Italii — Pizanskaj viežy — pahražaje kryzis identyčnaści. Zbudavańnie, jakoje prasłaviłasia na ŭvieś śviet dziakujučy svajoj nieidealnaści — nachiłu ŭ niekalki hradusaŭ, — pastupova vyprostvajecca. Pra heta paviedamlaje BBC News.
Pavodle ekśpiertaŭ, za apošnija 20 hadoŭ «zavał» budynka źmienšyŭsia na čatyry santymietry. «Kanstrukcyja ŭstojlivaja, vuhał jaje nachiłu pavolna pamianšajecca», — adznačyli jany. «Možna ličyć, što vieža pamaładzieła na 200 hadoŭ», — zajaviŭ prafiesar Salvatoru Secis, jaki ŭznačalvaje hrupu.
U 1990-ja Pizanskaja vieža apynułasia pad pahrozaj abvału - jana adchiliłasia ad viertykali na 4,5 mietra. Da ratavańnia słavutaści pryciahnuli najlepšych śpiecyjalistaŭ, nachił udałosia skaracić na 45 santymietraŭ. Raboty kaštavali 200 miljonaŭ jeŭra, viežu daviałosia na niekalki hadoŭ zakryć dla naviedvańniaŭ.
Pizanskaja vieža była ŭźviedzienaja ŭ XII stahodździ pa prajekcie Bona Piza. Vyšynia budynka dasiahaje 56,7 mietra. Dyjamietr asnovy - kala 15 mietraŭ. Nachił budynka aceńvajecca bolš čym u try hradusy. U 1986 vieža ŭklučanaja ŭ śpis Suśvietnaj spadčyny JUNIESKA.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary