Babaryka: Ja nikoli nie zachoŭvaŭ hrošy ŭ biełaruskich rublach. Ni-ko-li!
Bankir Viktar Babaryka raskazaŭ u prajekcie «Tok», ci zachoŭvaŭ hrošy ŭ biełaruskich rublach. A taksama patłumačyŭ, ci možna ličyć jaho dalaravym miljanieram.
— Vy dalaravy miljanier?
— Ciažka skazać. Kali ličyć, što ŭ mianie dzieści zakapany miljon dalaraŭ, to dakładna nie. Kali paličyć majomaść, nabytuju za ŭsio žyćcio, napeŭna, dzieści tak budzie. A kali jašče i pieraacanić toje, što ŭ mianie jość kaštoŭnaje…
— Davajcie zhadajem strašny son biełarusa: devalvacyi 2008, 2011 hadoŭ. Skažycie, ci vy tady štości zhubili?
— Ja niesvoječasova rychtavaŭsia da ŭsich hetych rečaŭ, bo jość dva etapy ŭ maim žyćci.
Pieršy etap: ja žyŭ u kredyt, a žyć u kredyt pry devalvacyi — heta sucelnaje ščaście. Mnie vielmi mocna pašancavała.
A kali nastupiła inšaja epocha, ja skažu vialikuju kramolnuju dumku: ja nikoli nie zachoŭvaŭ hrošy ŭ biełaruskich rublach. Ni-ko-li!
Kab zachoŭvać hrošy ŭ biełaruskich rublach i na hetym zarablać, hetym treba prafiesijna zajmacca. Ja hetym nikoli nie zajmaŭsia.
Kali ŭ mianie było sto dalaraŭ u biełaruskich rublach, ja išoŭ u abmienny punkt, kuplaŭ i siadzieŭ radasna z hetaj valutaj. Heta nasamreč strašnaja dumka z punktu hledžańnia palitkarektnaści, ale ja kažu toje, pra što vy ŭ mianie zapytalisia.
0:38 — Ci maje Viktar Babaryka miljon dalaraŭ
1:14 — Pra panty
3:45 — Pra ŭłasnyja hadzińniki
5:49 — Ci jość za što biełarusam płacić $500
13:08 — Čamu biełarusy nie ŭmiejuć pradavać
19:04 — Pra devalvacyi 2008 i 2011 hadoŭ
20:58 — Pra błat
28:19 — Što dastavałasia Viktaru Babaryku pa błacie
29:39 — Pra dziaciej
33:11 — Pra fond «Šans» i žonku
42:35 — Čamu «Biełhazprambank» daje hrošy na raźvićcio biełaruskaj kultury
45:00 — Ci prapanoŭvali pierajechać u Rasiju
47:32 — Čym adroźnivajecca mientalitet biełarusaŭ i rasijan
53:46 — Pra krytyku ŭłady ŭ sacsietkach
1:01:06 — Ci chodzić na vybary
1:03:28 — Pra palityčnyja ambicyi
1:04:26 — Čamu apošnija dva hady nie zajmajecca dajvinham
1:05:29 — Pra pierformans Alaksieja Kuźmiča, jaki pryjšoŭ na svaju vystavu z šyldaj Minkulta na intymnym miescy
1:08:22 — Čamu nie pojdzie pracavać u Nacbank
1:16:28 — Post Scriptum: pra lubimuju karcinu
Łukašenka: Chto tam u Rasii viakaje na šmatviektarnaść Biełarusi i vyzvaleńnie palitviaźniaŭ?5
Kamientary