Ukraincy ŭpieršyniu nanieśli ŭdar u Danbasie ŭdarnym dronam VIDEA
Uzbrojenyja siły Ukrainy ŭpieršyniu ŭžyli ŭdarny dron «Bajraktar» (Bayraktar) na Danbasie. Bieśpiłotnik kupili ŭ Turcyi.
Bieśpiłotnik udaryŭ pa batarei sieparatystaŭ, jakich padtrymlivaje Rasija, što siońnia abstralała siało Hranitnaje i razburyła damy mirnych žycharoŭ.
Dla pracy na adlehłaści bolš za 15 km vyrašyli vykarystoŭvać mienavita «Bajraktar» — kab zachavać žyćcio, cyvilnych i vajennych.
Paćvierdžana źniščeńnie adnaho raźliku varožaj artyleryjskaj sistemy, astatnija pakinuli svaje pazicyi.
U mai stała viadoma, što ŭ Turcyi dla Ukrainy rychtujuć da pieradačy novyja ŭdarnyja siarednievysotnyja bieśpiłotnyja latalnyja aparaty Bayraktar TB2.
Tady ŭ Minabarony Ukrainy paviedamlali, što novaja partyja tureckich dronaŭ pastupić na ŭzbrajeńnie Vajenna-Marskich Sił Ukrainy pa pahadnieńni, padpisanym pamiž Ukrainaj i Turcyjaj. Adnak daty nie nazyvali.
Taksama ŭ Minabarony Ukrainy kazali, što ŭkrainskaje vojska nie prosta atrymaje bieśpiłotnyja aparaty z uzbrajeńniem, a paŭnavartasnuju sistemu, jakaja budzie vykarystoŭvacca dla vykanańnia šerahu važnych zadač.
U apošnija hady drony stali zbrojaj, zdolnaj źmianiać chod vajennych kanfliktaŭ. U pryvatnaści, tureckija drony syhrali važnuju rolu ŭ Karabachskaj vajnie. Taksama drony aktyŭna vykarystoŭvalisia amierykancami padčas interviencyj u Afhanistanie i Siryi. Ź ich dapamohaj amierykancy zmahli źniščać lidaraŭ bajevikoŭ z radykalnych isłamisckich hrup. Drony źjaŭlajucca adnosna tannym uzbrajeńniem, zdolnym vyrašać šyroki śpiektr bajavych zadač. Krytyki hetaha ŭzbrajeńnia miarkujuć, što z šyrokim vykarystańniem dronaŭ košt likvidacyi čałavieka staŭ nastolki nizkim, što dronami mohuć pačać aktyŭna karystacca terarystyčnyja hrupy, albo ŭrady aŭtarytarnych dziaržaŭ dla kropkavaj likvidacyi apazicyjanieraŭ i dysidentaŭ.
Apublikavanyja dekłaracyi kandydataŭ u prezidenty. Kolki ŭ Łukašenki, a kolki ŭ astatnich?20
Kamientary