Tkanievyja maski doŭhi čas ličylisia efiektyŭnymi ŭ abaronie ad infiekcyi COVID-19. Adnak paśla imklivaha pašyreńnia nievierahodna zaraznaha varyjanta karanavirusa — «amikrona» — usio čaściej kažuć ab niaznačnaj ich efiektyŭnaści. I ŭsio bolš ekśpiertaŭ i ŭstanoŭ schilajucca da dumki, što abarona zabiaśpiečvajecca tolki maskami N95 abo FFP2. U mnohich krainach było ŭviedzienaje strohaje praviła nasić tolki hetyja maski, piša partał Onet.pl.
Samo pytańnie našeńnia masak z pačatku pandemii karanavirusa vyklikaje niamała sprečak. Častka ludziej sumniavajecca ŭ efiektyŭnaści hetaj miery biaśpieki.
Ale, jak adznačaje Fiederalnaje ahienctva ZŠA pa kantroli i prafiłaktycy zachvorvańniaŭ (CDC),
«lubaja maska lepšaja, čym adsutnaść maski, my zaklikajem usich nasić dobra padabranuju masku, kab abaranić siabie i pieraduchilić raspaŭsiudžvańnie COVID-19». U śviecie miedycyny rekamiendacyi hetaj ustanovy — etałon.
Taki padychod isnavaŭ z samaha pačatku pandemii. Adnak 14 studzienia na sajcie ahienctva źjaviłasia novaja instrukcyja, jakaja źjaŭlajecca adkazam na pašyrany va ŭsim śviecie varyjant karanavirusa «amikron».
Tkanievych masak užo niedastatkova
U suviazi z raspaŭsiudžvańniem novaha varyjanta ahienctva pryznaje, što tkanievyja maski nie zabiaśpiečvajuć takoj abarony, jakuju dajuć chirurhičnyja maski abo maski standartu FFP (N95, FFP2 abo FFP3).
Pavodle acenki CDC, «tkanievyja maski zabiaśpiečvajuć nievialikuju abaronu. Lepšuju dajuć dobra padabranyja chirurhičnyja maski, a samy vysoki ŭzrovień abarony — maski N95 (jeŭrapiejskija maski FFP2 ci kitajskija KN95)».
CDC, adnak, adznačaje, što
efiektyŭnaść abarony dla pieršych dvuch typaŭ masak (tkanievych i chirurhičnych) moža być palepšanaja šlacham našeńnia dźviuch adnačasova. Ahienctva rekamienduje nakłaści tkanievuju masku na chirurhičnuju.
— Tkanievyja maski — heta krychu bolš, čym upryhožańnie dla tvaru. U kantekście «amikrona» dla ich niama miesca, — havoryć Lijana Veń, doktar miedycyny i prafiesar Škoły hramadskaj achovy zdaroŭja Instytuta Miłka ŭ Vašynhtonie, akruhi Kałumbija, u intervju CNN. Pavodle jaje,
my pavinny nasić jak minimum trochsłojnyja chirurhičnyja maski, adnak, adpraŭlajučysia ŭ pierapoŭnienaje miesca, nam varta nadzieć masku N95 abo KN95.
Dziakujučy lepšaj pasadcy i takim materyjałam, jak poliprapilenavyja vałokny, jakija dziejničajuć jak miechaničnyja i elektrastatyčnyja barjery, hetyja maski lepš abaraniajuć ad pranikieńnia maleńkich čaścic z pavietra ŭ nos abo rot.
Toje ž samaje kaža prafiesar Łoŭrens Hościn, ekśpiert pa hramadskaj achovie zdaroŭja i dyrektar SAAZ:
— «Amikron» — nievierahodna zarazny ahient, mahčyma, samy zarazny ŭzbudžalnik na Ziamli. Tkanievaja maska praktyčna nie pracuje ŭ jaho vypadku. Pry varyjancie «delta» jana była efiektyŭnaja tolki na 20—30%. A ŭ vypadku z «amikronam» jana maje nikčemnuju efiektyŭnaść. Maski z tkaniny bieskarysnyja suprać patahiena, jaki źjaŭlajecca aerazolem i pieranosicca ŭ pavietry.
Navat chirurhičnyja maski hublajuć svaju efiektyŭnaść u abaronie ad infiekcyi «amikrona», adznačaje doktar Kolin Fiernes, kanadski epidemijołah. Na jaho dumku,
chirurhičnyja maski — dobraja abarona, ale nie takaja dobraja, jak maski N95 (FFP2), tamu što jany časta adychodziać ad tvaru, nie ciesna prylahajuć da jaho, a heta aznačaje, što jany hublajuć efiektyŭnaść.
Što ŭ inšych krainach
U niekatorych jeŭrapiejskich krainach maski FFP2 na ciapierašni momant źjaŭlajucca abaviazkovym standartam.
U Italii, kali ŭ śniežni varyjant «amikron» vyklikaŭ rekordnuju kolkaść štodzionnych infiekcyj, było ŭviedzienaje praviła nasić takija maski ŭ transpartnych srodkach, u kinateatrach, teatrach, kancertnych załach abo na spartyŭnych mierapryjemstvach. Hetyja praviły buduć dziejničać minimum da kanca studzienia.
Toje samaje adbyvajecca ŭ Słavakii i Hrecyi. Maski FFP2 źjaŭlajucca abaviazkovymi ŭ zakrytych hramadskich miescach i hramadskim transparcie.
U Aŭstryi patrabavańnie vykarystoŭvać maski FFP2 dziejničaje va ŭsich zakrytych hramadskich pamiaškańniach. Hetyja maski taksama nieabchodnyja na adkrytym pavietry, kali vy nie možacie trymać adlehłaść u dva mietry ad ludziej, jakija nie žyvuć u adnym domie.
U Niamieččynie kožnaja fiederalnaja ziamla pravodzić palityku hramadskaj achovy zdaroŭja niezaležna. Častka ź ich uviała abaviazacielstva nasić maski FFP2 u transparcie i hramadskich miescach.
U Čechii patrabavańnie nasić maski FFP2 dziejničaje vybarča. Ich prosiać vykarystoŭvać u niekatorych hramadskich ustanovach, na mierapryjemstvach z udziełam bolš čym 20 čałaviek, dla nievakcynavanych asob, jakija prybyli ŭ krainu, da admoŭnaha vyniku testa na karanavirus, a taksama dla školnikaŭ, jakija nie chočuć prachodzić testavańnie.
Ad pandemii da endemii. Paśla amikrona dziaržavy mianiajuć svaju stratehiju adnosna kavidu
«Amikron» užo pieravažaje ŭ Minsku, a ŭ Biełarusi — tolki sprava času
Łukašenka pryznaŭsia, što chvorym na kavid sustrakaŭ vajskoŭcaŭ, jeździŭ na Rastvo ŭ carkvu i ŭručaŭ premii
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary