«5-10% ad koštu prateza». KDB dadaŭ padrabiaznaściaŭ pra spravu traŭmatołahaŭ
U viečarovym efiry BT vyjšaŭ siužet pra spravu traŭmatołahaŭ. U im pradstaŭnik KDB paviedamiŭ niekalki detalaŭ pa hučnaj spravie zatrymanych pa ŭsioj krainie viadučych artapiedaŭ.
Pavodle KDB, zatrymany nie tolki 35 traŭmatołahaŭ, ale i 5 pradstaŭnikoŭ kamiercyjnych struktur. Zadakumientavany šmatlikija epizody pieradačy chabaru daktaram i zahadčykam adździaleńniaŭ ustanoŭ achovy zdaroŭja ŭ roznych rehijonach. Vyjaŭlena čornaja buchhałteryja pradprymalnikaŭ, jakija ažyćciaŭlali podkup daktaroŭ.
U siužecie pakazana, jak śćviardžajecca, apieratyŭnaje videa pieradačy chabaru. Žančyna za stolikam ‒ nibyta kamiersant ź firmy-pasiarednika, jakaja zarablaje endapratezami. Mužčyna, jakomu jana cichieńka pieradaje pačak hrošaj, ‒ adzin ź miedykaŭ, «jaki svaim pacyjentam nastojliva raić mienavita jaje pradukcyju, a nie inšych». Proźviščy ŭ siužecie nie nazyvajuć tvaraŭ nie vidać. Za kožny nabyty ŭ firmy štučny sustaŭ kamiersant kładzie ŭ kišeniu lekara 200 jeŭra, ‒ paviedamlajuć u siužecie.
Pavodle KDB, vyjaŭlena i kanfiskavanaja čornaja buchhałteryja firmy-pastaŭščyka z proźviščami daktaroŭ i kolkaściu apieracyj. «Dola miedykaŭ składała 5-10% ad koštu prateza», ‒ nazyvajecca ŭžo inšy pamier chabaru, nie 200 jeŭra.
«Abarot adnoj ź firm pastaŭščykoŭ zamiežnych endapratezaŭ, jakija fihurujuć u spravie, skłaŭ amal 12 młn dalaraŭ za 2019-2022 hady. Na hetym fonie nie dziŭnyja šykoŭnyja damy ŭ zatrymanych. I toje, što padčas pieratrusaŭ va ŭdzielnikaŭ złačynnaj schiemy kanfiskavany bujnyja sumy. U niekatorych vypadkach jany skłali 115, 120 i 340 tysiač dołaraŭ ZŠA ŭ ekvivalencie», ‒ paviedamlaje BT.
«Absalutnaja bolšaść abvinavačanych supracoŭničaje sa śledstvam i daje pryznalnyja pakazańni, pradprymaje miery pa vypłacie ŭ dachod dziaržavy dachodu, atrymanaha złačynnym šlacham. Akramia taho, bolšaść zatrymanych poŭnaściu pryznaje svaju vinu», ‒ havoryć Kanstancin Byčak, namieśnik načalnika Śledčaha ŭpraŭleńnia KDB Biełarusi.
Siońnia ŭ Łukašenki prajšła narada z hienprakuroram, ministram achovy zdaroŭja i KDB. Vyrašali, «što budziem rabić z hetymi ludźmi». Byli nazvanyja try ŭmovy ich vyzvaleńnia.
«Pa 300—650 tysiač jeŭra vyjavili», trapiŭsia navat doktar Łukašenki. Aficyjna — pra zatrymańni traŭmatołahaŭ
Kiraŭnik Minzdaroŭja nazvaŭ try ŭmovy dla vyzvaleńnia zatrymanych daktaroŭ
Chto z zatrymanych lekaraŭ moh abśledavać Łukašenku? Jość niekalki viersij
Ci stała praściej zapisacca na polskuju vizu paśla ŭviadzieńnia fotavieryfikacyi? Dośvied čytačoŭ5
Kamientary