«Čaściej našu adnatonny». Mužčyny z manikiuram: siarod ich usio bolš biełaruskich znakamitaściej
Nafarbavanyja paznohci zaŭvažali ŭ takich biełaruskich seks-simvałaŭ, jak žurnalist Mikita Miełkazioraŭ i šoŭmen Andrej Bond.
Vyłučajecca svaim manikiuram i papularny tyktokier Mikita Bialevič. Spytali jaho, čamu jon padtrymaŭ taki trend, jak časta chodzić na manikiur i ź jakoj reakcyjaj sutykajecca.
Pieršy raz Mikita zrabiŭ pakryćcio hiel-łakam u 2018 hodzie. Tady heta jašče nie było modna. Jamu padavałasia, što jon byŭ adzinym chłopcam u horadzie z kalarovymi paznohciami.
«Jany byli ŭ mianie čornyja i matavyja, ale potym ja staŭ roznyja rabić. Naprykład, błakitnyja. Peŭny momant žyćcia ja stabilna raz na miesiac abnaŭlaŭ pakryćcio, potym zrabiŭ pierapynak. Ciapier znoŭ, kali vyjšaŭ z sutak, vyrašyŭ, što treba niejak heta adznačyć», — kaža jon.
Za niekalki hod Mikita nie adzin raz sutykaŭsia ź mierkavańniem, što mužčynski manikiur staŭ modny, tamu što jaho pačali rabić repier Marhienštern, jutubier Juryj Dudź i tyktokier Dania Miłochin.
«Nasamreč, ja ŭ 2018-m padhladzieŭ hety budučy trend u Andreja Bonda [biełaruskaha šoŭmiena]. I nie saromiejusia hetaha ni razu», — raskazvaje jon.
Reakcyi ludziej na kalarovy manikiur Mikita nie bajaŭsia. U jaho na toj momant užo byli kalarovyja vałasy, pirsinh, tatuiroŭki. Manikiur prosta staŭ nastupnym krokam.
«Byli niejkija reakcyi nie samyja adekvatnyja, ale jany i raniej źjaŭlalisia, tamu ja nie vielmi na heta reahavaŭ.
Čaściej za ŭsio jany byli źviazanyja z hamafobijaj. Ličać, što kali chłopiec robić manikiur, to jon hiej. A heta ž drenna, śmierć, hrech i abaviazkova na takuju temu treba vykazacca», — zaŭvažaje z sarkazmam Mikita.
Na niehatyŭnyja kamientaryi tyktokier raić nijak nie reahavać. A kali heta adbyvajecca ŭ siecivie, to kidać u ban, čorny śpis ci ihnoryć.
Stanoŭčyja reakcyi na svoj manikiur Mikita čuŭ u asnoŭnym ad dziaŭčat i žančyn.
«Niejak na adzin hod tolki pierastaŭ heta rabić, stamiŭsia ad taho, što treba chadzić raz na miesiac i što pa časie doŭha.
Malunki i koler abiraju ekśpierymientalna. Čaściej našu adnatonny. Bolš za ŭsio mnie padabajecca čorny matavy, kłasika.
Viedaju, što śvietłyja kolery i hlaniec mnie nie vielmi padychodziać pad ruki, pad ton skury», — raskazvaje jon.
Ciapier u Mikity na paznohciach namalavany bieła-čyrvona-bieły ściah na levaj ruce, a na pravaj — žoŭta-błakitny. Heta jaho pieršy malunak.
«Takaja hipierkampiensacyja paśla strachu ŭ Biełarusi vyjści na vulicu nie ŭ tych škarpetkach. Zachaciełasia adčuć svabodu.
A nakont cen na manikiur — ja jašče nie vyjšaŭ na ŭzrovień, kab kazać, što heta niadoraha. Dla mianie adčuvalna, što ŭ Biełarusi, što ŭ Litvie. Tady addavaŭ kala 25 rubloŭ, ciapier u Vilni addaju 30 jeŭra (kala 100 biełaruskich rubloŭ)», — kaža tyktokier.
Čytajcie taksama:
U Teatry junaha hledača, jaki ŭznačaliła žonka Makieja, staviać Bykava pa-rusku
Etna-chop, art-pop i pank pa-biełarusku. Padborka novaj biełaruskaj muzyki, jakuju varta dadać u płejlist
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary