Praz sankcyi ŭ Litvu bolš nielha vieźci paliva ŭ kanistrach, mnohija daviedvajucca pra heta tolki na miažy
Biełarusy, jakija jeździać u Litvu na aŭtamabilach, pačali skardzicca, što litoŭskaja mytnia zabaraniaje vieźci dadatkovyja 10 litraŭ paliva ŭ kanistry. «Naša Niva» vyśvietliła, čamu tak adbyvajecca.
Čytačy paviedamlajuć, što apošnija niekalki dzion sutykajucca z novymi patrabavańniami z boku litoŭskich mytnikaŭ, pra jakija jany raniej nie čuli. Heta tyčycca zabarony na ŭvoz paliva ź Biełarusi ŭ kanistrach. Raniej, aproč poŭnaha baka, padarožniki mieli mahčymaść dadatkova pieravozić 10 litraŭ paliva.
Ciapier ža litoŭskija mytniki pačali kazać, što pravozić paliva možna tolki ŭ baku aŭtamabila. U zaležnaści ad kankretnaj situacyi, mytniki prapanujuć viartacca z palivam u Biełaruś, zalivać jaho ŭ bak svajho ci inšaha aŭto ci prapuskajuć u Litvu, papiaredžvajučy, što pa novych praviłach hetaha rabić nielha, tamu heta musić być apošni raz.
Jak vyśvietliłasia, takaja norma dziejničaje z 1 červienia. Hetaja miera źjaŭlajecca častkaj sankcyj, jakija tyčycca zabarony na impart paliva ź Biełarusi ŭ Litvu. Vyhladaje, što abmiežavańni byli pryniatyja raniej, ale nabyli moc tolki ciapier.
Što zapisana aficyjnaj pryčynaj śmierci adzinaha syna Jarmošynaj?9
Kamientary