Ale Karalenka za arhanizacyju dziciačaha śviata ŭ Homieli dali 7 sutak
Pra toje, što homielskuju aktyvistku Ału Karalenka asudzili na 7 sutak aryštu, paviedamiła Radyjo Svaboda. U čym aficyjna jaje abvinavačvali — pakul nieviadoma.
27 červienia ŭ Homieli miełasia prajści śviata dla ŭkrainskich dziaciej, jakija ŭciakli ad vajny. Ale ŭdzielnikaŭ, jakija sabralisia ŭ parku pałaca Rumiancavych i Paskievičaŭ, razahnała milicyja.
29 červienia pa adnu z arhanizatarak, žycharku Homiela Ału Karalenka, pryjšła milicyja. Paźniej stała viadoma, što Ała ŭ IČU.
Praŭładnyja telehram-kanały vykazalisia, što milicyja ŭmiašałasia ŭ śviata, bo bajałasia «pravakacyj i palityčnych łozunhaŭ», a na masavaje mierapryjemstva jaho ŭdzielniki nie padali zajaŭku ŭ harvykankam.
U studzieni 2021 hoda siabroŭka Biełaruskaj sacyjał-demakratyčnaj partyi Ała Karalenka adbyła 7-sutkavy administracyjny aryšt za arhanizacyju navahodniaha śviata ŭ lesie, a zatym 15 sutak praviała za fota z aficyjnym ściaham BSDP na fonie haradskoj jalinki ŭ Homieli.
Kamientary