Milicyja ŭ Homieli razahnała ŭ parku dabračynnaje mierapryjemstva dla dziaciej biežancaŭ z Ukrainy
Uviečary ŭ paniadziełak u Homielskim parku 8 milicyjantaŭ razahnali schod hramadzian, paviedamiła vydańnie «Fłahštok» na padstavie śviedčańnia vidavočcy. U hety čas tam musiła adbyvacca śviata dla dziaciej biežancaŭ z Ukrainy, jakoje chacieli zładzić vałanciory.
Pavodle papiarednich anonsaŭ, 27 červienia ŭ 17.00 u park Homielskaha pałacava-parkavaha ansambla vałanciory zaprašali dziaciej i padletkaŭ va ŭzroście ad 2 da 18 hadoŭ. U prahramie mierapryjemstva byli hulni i konkursy na ŭsie ŭzrostavyja hrupy, histaryčny kvest, suvieniry i padarunki.
Mierapryjemstva «Dzień dzion naradžeńniaŭ» prydumała 10-hadovaja Alisa z pasiołka Ńju-Jork u Danieckaj vobłaści. Abaviazkovaj umovaj dla ŭdziełu było prynieści z saboj samarobnaha «hołuba miru» abo zrabić jaho ŭ parku ŭsim razam, havaryłasia ŭ abjavach, raźmieščanych u homielskich čatach.
Sustreča była pryznačanaja za Pietrapaŭłaŭskam saboram la filijała Vietkaŭskaha muzieja.
-
Ad 11 da 25-ci. Skončyŭsia sud nad ukraincam i dvuma biełarusami, zatrymanymi pa spravie ab «padrychtoŭcy teraktaŭ»
-
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»
-
«Naviavaje splin i abureńnie». Biełarus naviedaŭ Navahrudak i rasčaravaŭsia — horad zapuščany, a servis nie raźvity
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary