Humanitarnyja vidy na žycharstva biełarusam u Polščy buduć vydavać pry ŭmovie, što jany nie buduć jeździć u Biełaruś
Padčas vizitu Śviatłany Cichanoŭskaj u Polšču pradstaŭniki Ofisa Kryścina Rychter i Franak Viačorka ŭziali ŭdzieł u sustrečy rabočaj hrupy pry MUS, na jakoj Polšča akreśliła naviny dla biełarusaŭ.
Ofis pa spravach zamiežnikaŭ Polščy apublikavaŭ infarmacyju ab novym dazvole na časovaje znachodžańnie dla biełarusaŭ, jakija majuć humanitarnyja vizy — humanitarnym dazvole na žycharstva. Novaja pracedura ŭstupaje ŭ siłu 9 lipienia. Pravavoj padstavaj źjaŭlajecca p. 9 č. 1 art. 186 zakona «Ab inšaziemcach».
«Taki dazvoł na žycharstva budzie vydavacca ŭ suviazi z tym, što hramadzianin nie moža viarnucca ŭ Biełaruś. I jon vyklučaje mahčymaść padarožžaŭ u Biełaruś. Parušeńnie hetaha praviła moža być rascenienaje polskimi ŭładami jak parušeńnie praviłaŭ vydačy hetych dazvołaŭ i vam moža pahražać štraf z zabaronaj na ŭjezd u ES», — patłumačyła Kryścina Rychter.
U sustrečy rabočaj hrupy ŭziała ŭdzieł i namieśnica dyrektara konsulskaha departamienta MZS. Jana paviedamiła pra hatoŭnaść prymać zajavy na vydaču vizaŭ z 1 žniŭnia ŭ Varšavie. U vieraśni takaja mahčymaść źjavicca ŭ Biełastoku, Lublinie i Poznani.
Atrymać humanitarnuju vizu zmohuć hramadzianie Biełarusi:
— jakija prybyli z Ukrainy paśla 24 lutaha i jakija znachodzilisia na terytoryi Ukrainy lehalna da 24 lutaha;
— u jakich užo jość humanitarnyja polskija vizy i jakija znachodziacca na terytoryi Polščy.
MZS razhledzić mahčymaść pašyreńnia katehoryj biełarusaŭ, jakija mohuć atrymać vizy na terytoryi Polščy.
Ministram kultury pryznačany artyst Rusłan Čarniecki
Ministram kultury pryznačany artyst Rusłan Čarniecki
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary