Biełaruskuju zbornuju pa chakiei paśla źniaćcia sankcyj viernuć adrazu ŭ elitny dyvizijon
U Turcyi, dzie prachodzić kanhres Mižnarodnaj fiederacyi chakieja na lodzie (IICHF), była vyznačanaja kancepcyja budučaha viartańnia zbornych Biełarusi i Rasii na čempijanat śvietu.
Spartyŭnyja funkcyjaniery pajšli nasustrač adchilenym kamandam i abviaścili pra prosty miechanizm: zbornyja dźviuch krain viernucca ŭ tyja katehoryi i dyvizijony, u jakich jany hulali da taho momantu, kali ich udzieł u prahramie čempijanataŭ IICHF byŭ «zamarožany».
Heta značyć, što Biełaruś, jak i Rasija, kali ź jaje źnimuć sankcyi, budzie znoŭ vystupać u elicie. Za takoje rašeńnie prahałasavali 98 sa 119 členaŭ Kanhresa.
Ale kali adbudziecca viartańnie zbornaj Biełarusi na mižnarodnuju arenu — pytańnie adkrytaje, i na jaho nichto na hety momant nie adkaža. Praces moža raściahnucca i na hady. Dakładna pakul što viadoma tolki toje, što ŭ 2023-m ni biełarusaŭ, ni rasijan na čempijanacie śvietu pa chakiei nie budzie.
Sudziać hiendyrektara BiełAZa. Pahražaje da 15 hadoŭ9
Kamientary