«My nie vyznačajem, chto jość biełaruskim lidaram». Ukrainski deputat — pra kalinoŭcaŭ, palityku i vypłaty siemjam zahinułych
Deputat Viarchoŭnaj Rady Ukrainy i kiraŭnik mižpartyjnaha abjadnańnia «Za demakratyčnuju Biełaruś» Alaksiej Hančarenka, jaki byŭ na sustrečy z kalinoŭcami, raskazaŭ, kaho jany bačać pradstaŭnikom biełaruskaha narodu.
«My nie vyznačajem, chto jość biełaruskim lidaram»
Dniami Alaksiej Hančarenka razam z hrupaj deputataŭ Viarchoŭnaj rady sustreŭsia z pradstaŭnikami pałka imia Kastusia Kalinoŭskaha. Jon nie bačyć ničoha nadzvyčajnaha ŭ hetaj sustrečy, bo heta častka pracy mižpartyjnaha abjadnańnia «Za demakratyčnuju Biełaruś». Raniej jaho čalcy sustrakalisia z aktyvistami biełaruskaj apazicyi, pravodzili zum-kanfierencyju sa Śviatłanaj Cichanoŭskaj, nahadvaje palityk.
«My za demakratyčnuju Biełaruś, — davodzić jon. — Ciapier užo treba nie tolki kazać pra demakratyčnuju Biełaruś, a pra izalavanuju Biełaruś, bo faktyčna Biełaruś akupavanaja. Damahčysia vyzvaleńnia jaje možna tolki praz dapamohu Ukrainie ŭ vajnie, jakuju viadzie režym Pucina i Łukašenki. U nas vializnaja pavaha da tych biełarusaŭ, jakija ŭziali zbroju ŭ ruki i stali plačom da plača z ukraincami baranić našu dziaržavu. Jany razumiejuć, što šlach da voli Biełarusi idzie praz dapamohu Ukrainie».
Alaksiej Hančarenka nastojvaje, što Ukraina nie maje namieru ŭmiešvacca va ŭnutranuju biełaruskuju palityku.
«My nie vyznačajem, chto jość biełaruskim lidaram, — tłumačyć jon, — bo heta zrobiać sami biełarusy na volnych vybarach, kali takija adbuducca».
«Adnak, — udakładniaje palityk, — my budziem padtrymlivać usich, chto vystupaje za volnuju Biełaruś, asabliva tych, chto hatovy za heta ryzykavać svaim žyćciom i pralivać kroŭ».
«Połk Kastusia Kalinoŭskaha budzie asnovaju armii Volnaj Biełarusi»
Alaksieja Hančarenku nie ździŭlaje, što paśla sustrečy z deputatami ŭkrainskaha parłamientu adzin z pradstaŭnikoŭ pałka Kalinoŭskaha zajaviŭ ab palityčnych ambicyjach vajskovaha farmavańnia. Jon nastojvaje, što ŭsie majuć pravy na palityčnyja ambicyi, ale zaŭvažaje, što na sustrečy «nie abhavorvałasia palityka».
«Jak možna pazbavić takoha prava, — tłumačyć svaju pazicyju surazmoŭca. — Ja maju prava być palitykam i inšyja taksama majuć takoje prava. U hetym nie baču ničoha kiepskaha. Siońnia hetyja ludzi vajujuć, a zaŭtra nadydzie mir i niechta zastaniecca vajskoŭcam, a chtości pojdzie ŭ palityku. Heta ichnaje prava».
Ukrainski deputat kaža, što vystupaje za abjadnańnie biełaruskich dobraachvotnikaŭ. Pa jaho słovach, va ŭkrainskim vojsku jość biełarusy ŭ inšych padraździaleńniach, i jon by chacieŭ, kab jany abjadnalisia ŭ pałku Kalinoŭskaha, pakolki jon najbolšaje vajskovaje farmavańnie.
Alaksiej Hančarenka miarkuje, što «połk Kastusia Kalinoŭskaha budzie asnovaju armii Volnaj Biełarusi».
«Jaje jadrom, vakoł jakoha budzie farmavacca biełaruskaja armija, jakaja budzie baranić volu Biełarusi», — udakładniaje jon.
«Ukraincy nie prabačać biełarusam napadu»
Hančarenka kaža, što padčas sustrečy z pradstaŭnikami pałka Kalinoŭskaha abmiarkoŭvali situacyju, «kali Pucin zmusić Łukašenku, a toj zahadaje biełaruskaj armii vystupić suprać Ukrainy».
«Chaču źviarnucca da biełaruskich vajskoŭcaŭ i ichnych rodzičaŭ: jak taki zahad adbudziecca, to zaklikaju biełaruskich vajskoŭcaŭ nie iści na Ukrainu i nie hinuć ahresarami, a ŭziać zbroju i źnieści režym Łukašenki dy stać hierojami volnaj Biełarusi. U takim vypadku achviaraŭ budzie mieniej», — adznačaje deputat ukrainskaha parłamientu.
Palityk ličyć, što ŭkraincy nie prabačać napadu.
«Usie, chto ŭvojdzie va Ukrainu sa zbrojaj i adrazu nie piarojdzie na naš bok, buduć źniščanyja. Chočam, kab usie heta razumieli», — papiaredžvaje Hančarenka.
Pa jaho słovach, «užo rychtujecca forma dla tych biełarusaŭ, jakija piarojduć na bok Ukrainy».
Pra kampiensacyju rodzičam zahinułych za Ukrainu biełarusam
Pavodle Hančarenki, na sustrečy ŭzdymałasia pytańnie ab pierahladzie rašeńnia ŭradu, jaki pastanaviŭ pazbaŭlać rodzičaŭ zahinułych vajaroŭ ź Biełarusi, kampiensacyi.
«Heta bje pa intaresach biełaruskich dobraachvotnikaŭ, — kaža jon. — My ŭžo zrabili zapyt na imia premjer-ministra paśla ich zvarotu da nas, kab było skasavanaje takoje rašeńnie».
Hančarenka kaža, što na sustrečy havaryłasia ab nieabchodnaści abjadanańnia nie tolki biełarusaŭ, jakija vajujuć na baku Ukrainy, ale i ŭsioj biełaruskaj apazicyi, bo pavodle jaho «tolki ŭ jadnańni kluč da pieramohi».
Namieśnik kamandzira pałka Kalinoŭskaha: U nas jość palityčnyja ambicyi, a Sachaščyku my nie daviarajem
Pradstaŭniki pałka Kalinoŭskaha sustrelisia z kiraŭnictvam litoŭskaha Siejma
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary
K tomu žie dla etoho jesť viesomyje arhumienty jeŝio s tiech vyborov.
K tomu žie eto on sozdał błahoprijatnyje usłovija dla napadienija na Ukrainu...
Rańšie dumał čto Hončarienko imiejet bolšie mozha.
A ničieho, čto Tichanovskaja była izbrana narodom?
Kak raz imienno eto i jesť vmiešatielstvo ukrainskich dielcov v dieła Biełarusi.