Brytanskija navukoŭcy ŭpieršyniu ŭ historyi pieralili čałavieku štučnuju kroŭ. Vyraščanyja ŭ łabaratoryi erytracyty atrymali dva zdarovyja dobraachvotniki. Kliničnyja vyprabavańni technałohii prachodziać u ramkach daśledčaha prajekta Restore.
Erytracyty vyraścili z uzoraŭ kryvi ludziej z bazy donaraŭ Nacyjanalnaj słužby achovy zdaroŭja Vialikabrytanii. Spačatku ź bijamateryjału vyłučyli stvałavyja kletki, a zatym užo dyfierencyjavali ich.
U adroźnieńnie ad zvyčajnych, usie štučnyja erytracyty maładyja — u sapraŭdnaj kryvi donaraŭ jość kletki roznaha ŭzrostu. Dobraachvotniki atrymali pa 5-10 mililitraŭ vadkaści ź imi — 1-2 čajnaj łyžki.
«Spadziajomsia, što vyraščanyja ŭ łabaratoryi erytracyty buduć žyć daŭžej za zvyčajnyja donarskija. Kali naša vyprabavańnie, pieršaje takoje ŭ śviecie, projdzie paśpiachova, pacyjentam, jakija ciapier majuć patrebu ŭ rehularnych praciahłych pieralivańniach kryvi, u budučyni spatrebicca mienš takich pracedur. Heta zmoža źmianić ich lačeńnie», — zajaviŭ viadučy aŭtar pracy Siedryk Hiviert.
Štučnyja erytracyty možna budzie pieralivać ludziam z aniemijaj i inšymi zachvorvańniami kryvi, a taksama pacyjentam z redkimi hrupami.
Kandydatami ŭ prezidenty zarehistravali Łukašenku i ŭsich čatyroch jaho sparynh-partnioraŭ5
Kamientary