Žychara Bresta asudzili na hod kałonii za storys pra Łukašenku i adno słova
16 i 18 listapada ŭ Maskoŭskim sudzie Bresta razhladałasia čarhovaja sprava ab «publičnaj abrazie Łukašenki» (č. 1 art. 368 KK). Abvinavačvaŭsia bieraściejec Anton Jakavuk, zatrymany pa hetaj spravie 29 vieraśnia 2022 hoda. Da suda jon siadzieŭ u SIZA, paviedamlaje «Viasna».
Pra Antona viadoma, što jamu 29 hadoŭ, zachaplajecca futbołam i, miarkujučy pa jaho sacsietkach, zaŭzieje za «Livierpul». I mužčyna nie prosta futbolny zaŭziatar — na jaho staroncy možna znajści fota, dzie Anton sam hulaje na poli. A ŭ archiŭnych danych ab matčach možna vyjavić, što jak minimum z 2015 pa 2019 hod jon hulaŭ za brescki amatarski kłub «Źmiena».
Na sudzie ž havorka išła pra internet-aktyŭnaść Antona. Pavodle abvinavačvańnia, mužčyna vykłaŭ u storys videa z Alaksandram Łukašenkam i supravadziŭ jaho abraźlivym nadpisam z adnaho słova. Za heta dziaržabvinavačańnie prasiła pryznačyć palitviaźniu 1 hod pazbaŭleńnia voli. Sudździa Maryna Skałkovič abviaściła prysud: jak i prasiła abvinavačvańnie, 1 hod kałonii ahulnaha režymu.
Padtrymać palitviaźnia (hrašovym pieravodam, listom) možna pa adrasie:
SIZA-7. 224030, h. Brest, vuł. Savieckich pahraničnikaŭ, 37. Anton Viačasłavavič Jakavuk
-
Kanadski prafiesar zaklikaŭ biełarusaŭ da vyklučnaj strymanaści ŭ pytańni dystancyjavańnia ad Rasii
-
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ
-
Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ5
Kamientary