Viedajecie, navošta skrynia pad duchoŭkaj? Voś try sakrety duchovak, jakija dapamohuć rychtavać navahodniaje zastolle
Chutka Kalady i Novy hod — u hety čas duchoŭka zapatrabavanyja. Ale navat daśviedčanyja haspadyni nie viedajuć usich jaje sakretaŭ — jakija, miž inšym, značna spraščajuć žyćcio.
Jak prosta pamyć škło?
Pierad tym, jak pačać hatavać na ŭsiu siamju, chočacca vyčyścić duchoŭku. Samaje prablemnaje tut — škło. Možna zavichacca la jaho na karačkach, a možna… vynuć jaho i pamyć u rakavinie.
U bolšaści bolš-mienš novych madelaŭ jość sposab vyciahnuć škło (čas ad času heta składana, ale mahčyma), i jon apisany ŭ instrukcyi. Mnohija ź instrukcyj jość u internecie.
Navošta skrynia pad duchoŭkaj? Bolšaść nie viedaje!
Viadoma, u joj možna zachoŭvać posud, a taksama ništo nie pieraškadžaje joj stajać pustoj. Ale ŭ jaje jość i bolš hodnaje prymianieńnie, asabliva padčas śviataŭ.
Skrynia pad duchoŭkaj jašče nazyvajecca skryniaj dla padahrevu i vykarystoŭvajecca dla zachoŭvańnia straŭ ciopłymi, ale nie haračymi. Tak možna ceły dzień trymać pryhatavanuju ježu śviežaj i ciopłaj (bo ź jaje nie vyparajecca tak šmat vilhaci), jak u babulinaj piečcy, i jana spakojna dastaić tak da prychodu haściej.
Što takoje kanviekcyja ŭ duchoŭcy? Jana zekanomić čas i hrošy!
Režym kanviekcyi dazvalaje chutčej prahravać kamieru duchoŭki za košt pracy vientylatara, jaki raznamierna «razhaniaje» haračaje pavietra ŭnutry duchoŭki.
Uklučyŭšy jaje, vy možacie značna paskoryć praces hatoŭki. Heta ekanomić čas i elektraenierhiju, a ježa raŭnamierna prasmažvajecca nie tolki zvonku, ale i ŭnutry (što, da prykładu, važna pry zapiakańni miasa biez rukava).
Kanviekcyja dobra pasuje pry hatavańni miasa, ryby abo harodniny. Heta skaračaje čas vypiečki, i pradukty nie tak mocna vysychajuć.
Taksama jana zabiaśpiečvaje raŭnamiernaje prapiakańnie straŭ. Heta vielmi važna, naprykład, dla bujnych kavałkaŭ miasa. Pry hatavańni biez kanviekcyi vonkavy bok miasa moža ŭžo padhareć, a ŭnutrany jašče nie prasmažanycca.
Ale varta zapomnić vielmi prostaje praviła: kali vy vykarystoŭvajecie recept, u jakim nie praduhledžanaje pryhatavańnie z kanviekcyjaj, zaŭsiody źnižajcie tempieraturu vypiakańnia na 20 hradusaŭ.
Kanviekcyju možna vykarystoŭvać dla hatavańnia ježy, u jakoj my chočam zachavać vilhać, jakuju treba raŭnamierna i adnosna chutka prapiačy. Ale jaje nielha vykarystoŭvać dla tartoŭ ci inšych prysmakaŭ, jakija padymajucca pry vypiakańni. Tamu tarty, chleb i inšyja dalikatnyja stravy vypiakajucca biez kanviekcyi.
Udakładnieńnie. Spačatku tut nie było napisana, što ž takoje kanviekcyja pa sutnaści. Vypraŭlena.
Čytajcie jašče:
Viedajecie, dla čaho dzirka ŭ łyžcy dla makarony? Vy ździviciesia, ale jana dapamoža zekanomić vašy hrošy
Dla čaho vykarystoŭvajecca treci adsiek u pralnaj mašynie? Vy možacie ździvicca
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA19
Kamientary
Red., zrabicie łasku, padkažycie, dzie mienavita ŭ tekście adkaz na pytańnie: «Što takoje kanviekcyja ŭ duchoŭcy?». To bok vaš niejki kazačny ..., aŭtar vynies heta pytaniejka ŭ padzahałovak, a adkazać — choć by adnym radkom! — zapamiataŭ. Ci praśviatliŭ, a adkaz jahony vydaliŭsia praź niejkija techničnyja pryčyny? Albo, bolej vierahodna, bataničnyja? Ci nie prajšoŭ mianturku j cenzurku? Albo vybiła — elektrakorkam u karak! — aśviatleńnie? Ci, Boža barani, padtapleńnie, nie, pažar? Albo rezka vydźmuła jaho tudy, dzie jon specyjalist? Ci ci albo? Albo ci ci...