Ukraina zapytvała ŭ krain NATO ličbavyja karty Biełarusi, pa jakich samaloty i drony mohuć latać na hranična nizkich vyšyniach — Le Monde
Pa infarmacyi francuzskaha vydańnia, Paryž pieradać takija karty admoviŭsia.
Ličbavyja danyja ab reljefie miascovaści (DTED) składajucca z dapamohaj spadarožnikaŭ i važnyja dla detalizacyi tapahrafii miascovaści, piša Le Monde.
DTED nie tolki detalova apisvajuć reljef miascovaści, ale i ŭličvajuć usie pieraškody (vysakavoltnyja linii, vietravyja elektrastancyi, radary, zienitnyja batarei), jakija mohuć być niebiaśpiečnyja dla samalota.
Krynica ŭ francuzskaj armii patłumačyła vydańniu, što takija karty abjadnoŭvajuć usie taktyčnyja danyja, nieabchodnyja dla palotaŭ na vielmi nizkich vyšyniach, nočču abo pry drennaj bačnaści.
Na dumku ekśpierta, hetyja karty, jakija stvorany z dapamohaj spadarožnikaŭ i pastajanna abnaŭlajucca, mahli b dapamahčy ukraincam naładzić bieśpiłotnik dla naniasieńnia ŭdaru pa abjektach u Biełarusi pa anałohii z tymi, jakija jany ŭžo nie raz nanosili ŭ Rasii i na akupavanych terytoryjach, u pryvatnaści pa aeradromie ŭ Enhielsie.
Pa infarmacyi vydańnia, Ukraina źviarnułasia da Francyi z prośbaj pra karty Biełarusi paśla taho, jak joj admovili inšyja krainy antypucinskaj kaalicyi.
Francyja naroŭni ź inšymi krainami-sajuźnicami dapamahaje Ukrainie raźvieddanymi, nieabchodnymi dla raspracoŭki stratehii i taktyki apieracyj.
Paryž śćviardžaje, što daje tolki dapamohu, patrebnuju dla abarony ŭkrainskaj terytoryi, a nie dla apieracyj na zamiežnych terytoryjach.
Infarmacyja Le Monde «pakazvaje, što Kijeŭ surjozna razhladaje mahčymaść praviadzieńnia apieracyj na terytoryi Biełarusi (što zusim nie ździŭlaje), — napisaŭ u svaim telehram-kanale analityk Alaksandr Frydman. — Ličbavaja karta, jak padkreślivaje francuzskaje vydańnie, dazvalaje samalotam i bieśpiłotnikam vykonvać zadačy na małoj vyšyni».
Na dumku analityka, «publikacyja vystaŭlaje Paryž u vyhadnym śviatle. Makron pa-raniejšamu bačyć siabie ŭ roli miratvorca (u tym liku i razam z KNR), a admova pieradać kartu paćviardžaje, što Francyja hatova dapamahać Ukrainie abaraniać svaju terytoryju, ale budzie procidziejničać raspaŭsiudžvańniu vajny na susiednija krainy».
Čytajcie jašče:
Biełaruś dała zbroju PVK «Vahnier», a Kitaj admoviŭ — Financial Times
«Kontrnastupleńnie na ŭschodzie ŭžo idzie» — namieśnica ministra abarony Ukrainy
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii4
Kamientary