«Kali kraina viadzie vajnu, jak jana moža vystupać?» — aŭtar łatvijskaha «Cudu na lodzie» pra adchileńnie Rasii i Biełarusi
Hałoŭny trenier zbornaj Łatvii Charyjs Vitalińš u intervju estonskamu Delfi adkazaŭ na pytańnie, jak jon stavicca da adchileńnia zbornych Biełarusi i Rasii ad chakiejnych turniraŭ.
«Kali kraina viadzie vajennyja dziejańni, to jak jana moža vystupać na ČS? Jak razmaŭlać ź inšymi hulcami, a jak pavodzić siabie zaŭziataram? Sport byŭ zaŭsiody palitykaj, sport papularyzuje lubuju krainu. Zaŭsiody i sport, i palityka ŭ tym ci inšym vyhladzie źviazanyja pamiž saboj, i adno bieź inšaha nie moža isnavać», — adkazaŭ Charyjs Vitalińš.
Taksama koŭč adkazaŭ na zakidy, jakija taksama tranśluje biełaruskaja prapahanda, što na turnir nie pryjechali mocnyja hulcy, tamu čempijanat staŭ niecikavym.
«ČS byŭ vielmi cikavym, i ŭsio roŭna, chto tam nie pryjechaŭ. Pryjechali najmacniejšyja hulcy ad kožnaj zbornaj, chaj hetyja hulcy nie ź pieršaj piaciorki NCHŁ, ale jany ŭsio roŭna pieršyja hulcy svaich kłubaŭ NCHŁ. Usie hulni byli poŭnyja napału i emocyj. Treba atrymlivać asałodu ad taho, što jość, a nie šukać drennaje i krytykavać.
Akramia hulcoŭ NCHŁ taksama pryjechali talenavityja maładyja chakieisty. Kazać: «Niama hulcoŭ z NCHŁ» — heta dziŭna, bo jany byli. Naprykład, u Šviejcaryi byŭ maksimalna mocny skład z hulcoŭ NCHŁ. Treba atrymlivać asałodu ad taho, što jość. Kali čałaviek lubić chakiej, to jon budzie jaho hladzieć, navat kali tam usiaho 3 hulcy z NCHŁ», — miarkuje trenier.
Cikava, što Charyjs Vitalińš razam z hałoŭnym trenieram Aleham Znarkom pryvioŭ Rasiju da załatych miedaloŭ čempijanatu śvietu ŭ 2014 hodzie i zołata Alimpijady ŭ 2018 hodzie. Pryčym u 2014 hodzie Znarka na čempijanacie ŭ Minsku dyskvalifikavali, i Vitalińš vyvieŭ kamandu na finalny matč.
Taksama jon treniravaŭ rasijskija kłuby «Dynama», «Spartak» i SKA.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary