Jaje vybar mieniu niaźmienny — sup dnia, fiš-end-čyps i dva kielichi šampanskaha.
92-hadovaja žančyna zasłužyła zvańnie «samaha addanaha klijenta Brytanii» — na praciahu 37 hadoŭ jana štotydzień naviedvaje adzin i toj ža restaran, piša Bi-bi-si.
Z 1987 hoda Moli Robinsan abiedaje kožny čaćvier u zamku Łenhli ŭ Nortumbierlendzie.
Raniej jana naviedvała hety siaredniaviečny zamak razam sa svaim ciapier niabožčykam mužam Džokam, i jany zvyčajna zastavalisia tam na noč.
Jaje vybar mieniu niaźmienny — jana zakazvaje sup dnia i fiš-end-čyps, i zapivaje ich dvuma kielichami šampanskaha.
Z taho času, jak jaje muž pamior, spadarynia Robinsan pieravažna naviedvaje zamak sama — jana dabirajecca tudy z domu za pałovu hadziny na taksi.
Jana zaŭsiody prapanuje piersanału kielich šampanskaha, kab jany padzialili ź joj abied.
Ejlid Uajz, pamočnica adździeła ježy i napojaŭ i pa sumiaščalnictvie ekskursavodka, nazyvaje spadaryniu Robinsan «VIP-klijentkaj».
«U nas nie pavinna być lubimych klijentaŭ, ale jana kankretna maja lubimaja», — kaža jana.
Mieniedžar ustanovy Ejden Makhines adznačyŭ, što za toj čas, što spadarynia Robinsan naviedvaje ich ustanovu, u im źmianilisia ŭžo piać roznych mieniedžaraŭ.
«Za hetyja hady jana pasiabravała ź nieźličonaj kolkaściu naviedvalnikaŭ i mieła mnostva siabroŭskich hutarak», — dadaŭ jon.
Misis Robinsan kaža, što jana «lubić» zamak i jaho piersanał.
Kali jana nie dajadaje svoj fiš-end-čyps, reštki stravy skormlivajuć ptuškam.
«Jany ŭžo čakajuć radočkam», — skazała jana BBC Radio Newcastle.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha11
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary