Navukoŭcy: zamiest realnych trenirovak dla rostu muskułaŭ dastatkova prostaj vizualizacyi. Naš mozh usio zrobić biez nas
Novaje daśledavańnie śviedčyć ab tym, što ŭjaŭnyja praktykavańni akazvajuć taki ž efiekt na muskułaturu, jak i realnyja.
Sa svaimi vysnovami hrupa navukoŭcaŭ ź Vialikabrytanii, Słavienii i Charvatyi znajomić u časopisie Medicine & Science in Sports & Exercise. Ekśpierymient byŭ praviedzieny na členach baskietbolnaj kamandy z Hłazha ŭ pieryjad pandemii COVID-19.
Tryccać prafiesijnych baskietbalistaŭ mužčynskaha połu (uzrostu 26,1±6,2 hoda) byli vypadkovym čynam padzielenyja na try hrupy pa dziesiać čałaviek.
Udzielniki pieršaj hrupy pavinny byli dakładna madelavać u hałavie nastupnyja dva siłavyja praktykavańni try razy na tydzień na praciahu šaści tydniaŭ: prysiadańni i žym ležačy z abciažarvańniem, jakoje składała 85% ad indyvidualnaha maksimumu spartoŭca. Takich ujaŭnych padychodaŭ pavinna było być try z ujaŭnym adpačynkam dźvie chviliny pamiž padychodami. U kožnym padychodzie pavinna było być pa šeść paŭtareńniaŭ.
Druhuju hrupu paprasili ŭjavić, što jany padymajuć vahu ad 55 da 65 % ad svajho maksimumu. Treciaja hrupa nie pavinna była padnimać nijakich ujaŭnych ciažaraŭ.
Usie try hrupy na praciahu miesiaca pravodzili pa dva sieansy sapraŭdnaha vysokaintensiŭnaha biehu.
Z udzielnikami pieršaj i druhoj hrupy byŭ składzieny dakładny raskład, svajho rodu žurnał, jaki jany ŭ dumkach prahladali. Spartoŭcy pavinny byli vizualizavać, jak uvachodziać u trenažornuju zału, ustanaŭlivajuć adpaviednuju vahu na štanhu, kładuć štanhu sabie na plečy i h. d. Apuskańnie štanhi pavinna było zajmać roŭna dźvie siekundy (jak zvyčajna), a ŭzdym adbyvacca jak maha chutčej.
Pa miery praciahu trenirovak spartoŭcam davodziłasia pavialičvać kolkaść paŭtareńniaŭ da vaśmi, a pierapynki krychu pavialičvalisia. Paśla šaści tydniaŭ navučańnia ŭsie padyspytnyja byli pravieranyja, kab vyznačyć, ci źmianiłasia ich maksimalnaja siła. Dla hetaha sportoŭcam treba było padniać maksimalnuju vahu za adno praktykavańnie.
Vyniki ŭrazili navukoŭcaŭ. Pieršaja hrupa (z najbolšaj ujaŭnaj vahoj) dadała ŭ siarednim 9% u prysiadańniach i 7% u žymie ležačy. Druhaja hrupa (siaredniaja vaha) na 5% u prysiadańniach i 2% u žymie ležačy. Udzielniki treciaj hrupy, jakija nie prachodzili nijakaj ujaŭnaj siłavoj treniroŭki, stracili maksimalnuju siłu.
Takim čynam navukoŭcy zmahli pakazać, što siła treniravanych spartoŭcaŭ moža być značna pavialičana tolki z dapamohaj pracy mozhu.
Vučonyja tłumačać, čamu ich ekśpierymient mieŭ pośpiech. Kali my jak maha bolš dakładna ŭjaŭlajem «realnuju treniroŭku», to ŭ hetym pracesie zadziejničany tyja ž učastki našaha mozha i tyja ž sihnalnyja šlachi ŭ pazvanočniku, jak pry sapraŭdnaj treniroŭcy. Čym čaściej my tak robim, tym lepš naš mozh kiruje našymi myšcami i prymušaje ich macniej ruchacca.
Navukoŭcy adznačajuć, što taki vid trenirovak mohuć vykarystoŭvać prafiesijnyja spartoŭcy pry traŭmach ci situacyjach, kali im nielha treniravacca. Taksama taki mietad moža prydacca ŭ vypadku vialikaj stomlenaści i bojazi, što dalejšyja treniroŭki mohuć naškodzić zdaroŭju.
Navukoŭcy adznačajuć, što mietad budzie efiektyŭny tolki ŭ tym vypadku, kali čałaviek budzie dakładna prainstruktavany i aznajomleny ź im.
Čytajcie jašče:
Udar hałavoju? Byłyja futbalisty-prafiesijanały majuć značna bolšuju ryzyku raźvićcia demiencyi
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA18
Kamientary