Palityk, suzasnavalnik partyi «Biełaruskaja chryścijanskaja demakratyja» i piśmieńnik bolš za try hady ŭtrymlivajecca ŭ źniavoleńni.
Paŭła Sieviarynca zatrymali 7 červienia 2020 hoda kala doma, kali jon viartaŭsia ź pieradvybarčaha pikieta Śviatłany Cichanoŭskaj na minskaj Kamaroŭcy.
Jaho piać razoŭ sudzili pa administracyjnych artykułach, ale praz 75 dzion jon tak i nie vyjšaŭ na volu, a suprać jaho raspačali kryminalnuju spravu.
U mai 2021 jamu i jašče šaści palitviaźniam prysudzili ad čatyroch da siami hadoŭ kałonii. Paŭłu dali siem hadoŭ. Sud prachodziŭ u zakrytym režymie.
U krasaviku administracyja papraŭčaj kałonii №17 pryznała Paŭła «złosnym parušalnikam režymu». Jaho ŭtrymlivali ŭ ŠIZA niekalki miesiacaŭ, a potym pieraviali ŭ PKT na 3 miesiacy. Viadoma, što ŭ jaho praz heta pačalisia prablemy sa zdaroŭjem.
Učora, 21 červienia, u Škłovie adbyŭsia sud pa zamienie Sieviaryncu režymu ŭtrymańnia. Sudździa Alaksandr Tarakanaŭ pastanaviŭ pieravieści palityka ŭ turmu terminam na try hady. Chutka jaho etapujuć z kałonii, jak paviedamlaje «Viasna».
Padtrymać palitviaźnia pakul možna pa nastupnym adrasie: PK №17, 213004, h. Škłoŭ, vuł. 1-ja Zavodskaja, 8, Pavieł Kanstancinavič Sieviaryniec
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary