«Ja sumuju pa rokiercy Kačanavaj, jakaja nie bajałasia vymavić słova «parnahrafija». Chto samy miemny z čynoŭnikaŭ

Žarty ź Cichanoŭskaj i Łatuški

Siamionaŭ ličyć narmalnym publičnyja žarty sa Śviatłany Cichanoŭskaj. Jon nie padtrymlivaje pazicyi, što nielha śmiajacca ź lidaraŭ demakratyčnaha ruchu. 

Hleb žartuje, što ŭ vypadku jaho zatrymańnia ŭsia pierapiska, u jakoj jon žartuje ź Cichanoŭskaj, była b «vialikim padarunkam Azaronku z Hładkaj i ŭsim astatnim».

«Mnie padabajecca paśmiajacca z Paŭła Łatuški. Pra heta ja havaru ŭ svaim šou. I pra Cichanoŭskuju», — kaža błohier.

Hleb adznačyŭ, što jamu padabajucca ŭsie dopisy ŭ «Sovietskoj Biełoruśsii», jakija pryśviečanyja Cichanoŭskaj, bo, na jaho pohlad, «heta lehalizuje jaje ŭ infarmacyjnaj prastory».

Hleb śćviardžaje, što čałaviek, pra jakoha «stvarajecca miem», praciahvaje žyć u hetym žarcie. I heta, na jaho dumku, ciapier maje vialikuju siłu.

Siamionaŭ zaŭvažyŭ, što jamu chaciełasia b daviedacca, jak da žartaŭ pra siabie stavicca Pavieł Łatuška. Pa jaho adčuvańniach, niekatoryja z takich žartaŭ Łatuška ciažka pieražyvaje. «Mnie zdajecca, heta krychu zakranaje jaho samalubstva», — dzielicca svaimi adčuvańniami błohier.

A voś Cichanoŭskaja, na dumku Siamionava, «ź niekatorych žartaŭ padśmiejvajecca».

Chto samy miemny ź biełaruskich čynoŭnikaŭ

Na pohlad Siamionava, «Natalla Kačanava ŭžo nie taja». Pa jaho nazirańniach, i napał žartaŭ pra Kačanavu spaŭ. 

Jon zhadaŭ, jak u 2020 hodzie Kačanava pryjechała ŭ adzin z univiersitetaŭ. Žurnalistam zapis razmovy pieradaŭ student, jaki prysutničaŭ na toj sustrečy.

«Jana źviazała bambardavańnie Juhasłavii z parnahrafijaj, jakuju pakazvali ŭ kinateatrach. I jana takija rečy surjozna havoryć. A potym BiełTA drukuje adfotašopleny tvar, jaki hladzić na ciabie, i ŭ paviedamleńni voś hetaja ŭsia łuchta pra Juhasłaviju i porna. Heta lepš, čym seks. Ja kajfuju», — kaža błohier.

Ciapier ža, na dumku Siamionava, Kačanava «ŭ niejkim sensie — źbity lotčyk. Jana tolki jeździć i raspaviadaje, jaki Łukašenka — baćka nacyi, jak usich cyckaju vykarmiŭ».

Błohier adznačyŭ, što sumuje pa «rokiercy Kačanavaj, jakaja nie bajałasia vymavić słova «parnahrafija».

Biełaruskim palitykam treba chacia b na siekundu źniać fraki

Hleb miarkuje, što ciapier u krainie mała jarkich i cikavych palitykaŭ. Našmat cikaviejšym za astatnich, u tym liku palitykaŭ z demakratyčnaha koła, Siamionavu padajecca Aleh Hajdukievič.

Usim palitykam, na pohlad błohiera, «brakuje niejkaha žyćcia. Usie niejkija flehmatyčnyja».

Hleb adznačaje, što navat kansiervatyŭnyja polskija palityki, za jakimi jamu davodzicca ciapier nazirać (błohier žyvie ŭ Polščy), vyhladajuć žyviejšymi. U jakaści prykładu jon pryvioŭ mera Varšavy.

Na dumku Siamionava, i biełaruskim palitykam varta «chacia b na siekundu źniać fraki. U hetym bolš žyćcia».

Hladzicie całkam:

• 12
• 0
• 8
• 1
• 1
• 1