Užo piać miesiacaŭ niama nijakaj infarmacyi ad Maryi Kaleśnikavaj
Apošni ad jaje list pryjšoŭ 15 lutaha.
Blizkim Maryi navat nie paviedamlajecca, u kamiery jakoha typu jana znachodzicca, a apošni list ad jaje pryjšoŭ 15 lutaha. Baćku, jaki žyvie ŭ Biełarusi, bačycca z Maryjaj nie dajuć: «Na našy zapyty prychodzić adkaz, što jana ni z kim nie choča sustrakacca».
Pra heta DW raskazała siastra palitźniavolenaj Taćciana Chomič.
Nahadajem, kiraŭnicu vybarčaha štaba Viktara Babaryki zatrymali 7 vieraśnia 2020 hoda. Praz hod Minski abłasny sud pryznačyŭ joj 11 hadoŭ źniavoleńnia. Paźniej KDB dadaŭ Maryju ŭ śpis asob, «datyčnych da terarystyčnaj dziejnaści».
U minułym listapadzie palitźniavolenuju źmiaścili ŭ ŠIZA homielskaj žanočaj kałonii, adkul jaje dastavili ŭ chirurhičnaje adździaleńnie homielskaj balnicy chutkaj dapamohi. Tam jaje praapieravali z pryčyny prabadnoj jazvy i pierytanitu. Viadoma, što špitalizacyi papiaredničała niepraparcyjna žorstkaje abychodžańnie ŭ ŠIZA.
Padtrymajcie Maryju: PK №4. 246035, Homiel, Antoškina, 3, Kaleśnikavaj Maryi Alaksandraŭnie
Taksama doŭhi čas niama źviestak pra Mikołu Statkieviča, Siarhieja Cichanoŭskaha, Maksima Znaka, Ihara Łosika, Viktara Babaryku.
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary