«Cichi zabojca». Bloomberg paviedamiŭ pra śpioku +50°S u Jeŭropie z-za ciepłavoha vybuchu
Ciapierašni tempieraturny rekord u Jeŭropie byŭ zafiksavany ŭsiaho dva hady tamu (48 hradusaŭ ciapła na Sicylii).
Z-za «ciepłavoha vybuchu» ŭ Sachary śpioka ŭ paŭdniovych dziaržavach Jeŭropy ŭ najbližejšyja dni ŭzmocnicca: na italjanskaj Sardzinii tempieratura moža padniacca da rekordnych 50-ci hradusaŭ ciapła, piša Bloomberg sa spasyłkaj na danyja mieteasłužbaŭ.
Ciapierašni tempieraturny rekord u Jeŭropie byŭ zafiksavany ŭsiaho dva hady tamu (48 hradusaŭ ciapła na Sicylii). Adnak novaja chvala ciapła z Paŭnočnaj Afryki, nazvanaja ŭ honar Charona — mifičnaha piersanaža, jaki pieravoziŭ dušy miortvych u padziemnaje carstva, — moža abnavić rekord ciapła adrazu ŭ niekalkich rehijonach Jeŭropy.
Ciapier niezvyčajna haračaje nadvorje zachoŭvajecca ŭ Afinach, Rymie i Madrydzie. U stalicy Ispanii siońnia budzie +38°S, u Afinach siońnia +37°S, a na vychadnych — +42°S, u Rymie siońnia +40°S.
Akramia krain Paŭdniovaj Jeŭropy, śpioka budzie ŭzmacniacca i ŭ centralnaj jaje častcy. 16 lipienia ŭłady Niamieččyny papiaredzili, što va ŭschodnich i paŭdniovych rehijonach krainy tempieratura ŭ najbližejšyja dni moža padniacca da 38 hradusaŭ.
Taksama ekstremalnyja tempieratury zachoŭvajucca ŭ Paŭnočnaj Amierycy, u pryvatnaści ŭ Kanadzie i ZŠA: naprykład, u horadzie Finiks u Aryzonie dniami było +47°S, pryčym unačy słupok termomietra nie apuskajecca nižej za 32 hradusy. U Łas-Viehasie — +46°S, u Dalinie Śmierci ŭ Kalifornii — +53,9°S.
Pavodle źviestak brytanskaha Mietearałahičnaha centra, u niadzielu ŭ Kitai była zarehistravana samaja vysokaja tempieratura ŭ historyi krainy: u pravincyi Sińczian słupok termomietra padniaŭsia da 52,2°C.
Sudziać hiendyrektara BiełAZa. Pahražaje da 15 hadoŭ7
Kamientary