«Hrodna Azot» prydumała, jak pastaŭlać karbamid na rynki Čechii i Polščy ŭ abychod sankcyj
Čarhovaje biełaruskaje dziaržaŭnaje pradpryjemstva, jakoje znachodzicca pad sankcyjami za dziejańni režymu Łukašenki i saŭdzieł u vajnie suprać Ukrainy, znajšło sposab pradavać svaju pradukcyju ŭ ES.
U Čechiju i Polšču dastaŭlajuć karbamid, vyrableny chimičnym šlacham na pradpryjemstvie «Hrodna Azot», pra heta piša Radyjo Svaboda sa spasyłkaj na češski centr rasśledavalnickaj žurnalistyki. Centr adznačyŭ, što Dziaržaŭnaja mytnaja słužba Čechii parušeńnia sankcyj nie fiksuje.
Toje samaje, adznačajuć aŭtary materyjału, adbyvajecca ź biełaruskaj draŭninaj, jakaja taksama vyrablajecca na padsankcyjnych pradpryjemstvach u Biełarusi, a pa dakumientach prachodzić jak pradukcyja Kyrhyzstana.
Pavodle ekśpierta ŭ sankcyjach Iržy Skuchraŭca, u spravie patrebna bolšaja prazrystaść.
«Pakul jość mahčymaść chavać pachodžańnie tavaraŭ i strukturu ŭłasnaści kampanij, jakija imi handlujuć, abychod sankcyj, nakładzienych na mižnarodny handal, budzie isnavać paraŭnalna bieskłapotna».
Biełaruskaja kampanija «Technaśpiectrejdynh» chvalicca na sajcie prapanovaŭ pracy, moŭnych kursaŭ, adzieńnia i pieravozak flagma.com, što moža svabodna impartavać karbamid jak u ES, tak i ŭ inšyja krainy śvietu.
Adna mietryčnaja tona ich hranulavanaj mačaviny kaštuje 300 jeŭra. Pavodle danych sierviera The Global Economy, heta na 32,5 jeŭra tańniej za ciapierašniuju siaredniuju canu na hety pradukt.
Mienavita «Technaśpiectrejdynh» paznačali eksparcioram tavaru na «Hrodna Azocie», kab jon bieśpieraškodna moh trapić na rynak ES.
«Hrodna Azot» źjaŭlajecca adzinym vytvorcam karbamidu ŭ Biełarusi. ES razam z Kanadaj, Złučanymi Štatami, Vialikabrytanijaj, a potym i Šviejcaryjaj uviali sankcyi ŭ dačynieńni pradpryjemstva jašče ŭ 2021 hodzie z pryčyny «praciahu parušeńniaŭ pravoŭ čałavieka i asnoŭnych svabodaŭ na terytoryi Biełarusi». Heta adbyłosia paśla taho, jak prezidenckija vybary ŭ krainie čarhovy raz pryznali sfalšavanymi na karyść Łukašenki.
Sioleta litoŭski biznesoviec Saŭlus Kocis zajaviŭ, što praz svaju kampaniju ŭ Kyrhyzstanie dapamahaŭ abychodzić sankcyi suprać «Hrodna Azota», i prynios publičnyja prabačeńni. Schiemu vykryŭ litoŭski centr Siena.
Biełaruski karbamid pradavaŭsia ŭ Litvie praź firmu-«prakładku». Pieravozku ŭhnajeńniaŭ pa čyhuncy apłaciła kłajpiedskaja kampanija Girera, a pakupnikom značycca firma Misir. Co z Kyrhyzstana. Paśla vychadu rasśledavańnia i prabačeńniaŭ Kocisa damovu skasavali, a kyrhyzskuju firmu źlikvidavali.
«Hrodna Azot» — daloka nie adzinaje dziaržaŭnaje pradpryjemstva, što abychodzić mižnarodnyja sankcyi i znachodzić sposaby realizacyi ŭłasnaj pradukcyi ŭ ES. Raniej Biełaruski rasśledavalnicki centr vyśvietliŭ, što nabližany da Łukašenki biznesoviec Alaksandr Šakucin na sankcyjach navat zarablaje.
Kab abyści sankcyi, biełaruskija pradpryjemstvy vykarystoŭvajuć roznyja sposaby — heta i pieraafarmleńnie biznesu na inšych asobaŭ, i pierarehistracyja tavaraŭ, i firmy dla prykryćcia pastavak.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary