Ceny na kvatery dasiahnuli maksimumu za 8 hadoŭ

Śpiecyjalisty adznačajuć, što, jak i čakałasia, paśla rekordnych prodažaŭ u žniŭni, u vieraśni kolkaść kuplenych kvater źniziłasia na 11,4%.

Adnak, biahučy ŭzrovień popytu staŭ maksimalnym dla pačatku vosieni za apošnija dziesiać hadoŭ. Kali ž paraŭnoŭvać z adpaviednym pieryjadam minułaha hoda, to za 9 miesiacaŭ hetaha hoda prodažy ŭzraśli na 14%, a voś kolkaść prapanovaŭ kvater skaraciłasia na 4%.

Pavialičyć

Što nabyvali ŭ vieraśni

Jak i raniej, najbolšym popytam karystalisia adnapakajovyja kvatery. Na ich u vieraśni pryjšłosia 42% usich uhodaŭ. Kožnaja treciaja pradadzienaja kvatera (33%) była dvuchpakajovaj, kožnaja piataja (20%) — trochpakajovaj.

Kali havaryć pra rajony horada, dzie najčaściej nabyvali kvatery, to lidarami źjaŭlajucca Centralny, Kastryčnicki i Pieršamajski. Za imi išli Partyzanski i Frunzienski.

Z pradadzienych kvater tolki 8% znachodzilisia ŭ novych hatovych damach. Pry hetym, jak adznačajuć analityki, u paraŭnańni ź inšymi miesiacami, u vieraśni pakupniki mienš cikavilisia kvaterami ŭ sučasnych panelnych i karkasnych damach. A voś popyt na typavyja panelnyja damy ŭzros na 2%.

Košty

Siaredni košt pradadzienych kvateraŭ u vieraśni vyras na 0,7% i skłaŭ 1388 $/m2. I heta stała maksimalnym značeńniem z maja 2015 hoda. Za hod cana vyrasła na 13,6%.

Kali ž hladzieć u razrezie kolkaści pakojaŭ, to naziralisia dźvie supraćlehłyja tendencyi. Kali košty adnapakajovych i trochpakajovych kvater vyraśli adpaviedna na 0,5% i 1,2%, to košty dvuchpakajovych i čatyrochpakajovych źnizilisia adpaviedna na 0,2% i 5%.

Pry hetym siarednija košty adna– i dvuchpakajovych kvater adroźnivalisia tolki na 6 tysiač dalaraŭ, a troch– i čatyrochpakajovych — na 7,5 tysiačy.

U vieraśni za adnapakajovuju kvateru ŭ siarednim treba było addać 52 tysiačy dalaraŭ (1496 $/m2), dvuchpakajovuju — 59 tysiač (1318 $/m2), trochpakajovuju 73 tysiačy (1240 $/m2), čatyrochpakajovuju — 80,5 tysiačy (1110 $/m2).

Samaja darahaja kvatera ŭ vieraśni abyšłasia pakupniku ŭ 1,5 miljona dalaraŭ.

Pavialičyć

Kali havaryć pra indeks cenaŭ na kvatery ŭ stalicy, jaki raźličvajecca na padstavie abviestak ab prodažy, to tut, jak śćviardžajuć analityki, u vieraśni hety pakazčyk skłaŭ 1371 $/m2, što na 1,3% bolš za papiaredni miesiac.

Pavialičyć

Kali ž razhladać siarednija košty prapanovy kvater u razrezie kolkaści pakojaŭ, to najbolšy rost cany kvadratnaha mietra (na 5,3%) naziraŭsia ŭ siehmiencie adnapakajovych kvater. U toj ža čas z ahulnaj tendencyi vypadajuć čatyrochpakajovyja kvatery, siaredni košt prapanovy kvadratnaha mietra ŭ jakich źniziŭsia na 2,9%.

Pavialičyć

Analityki adznačajuć, što na košt prapanovy mocny ŭpłyŭ akazvajuć abviestki ab prodažy kvater u asobnych novabudoŭlach (nie ŭsiaho pieršasnaha rynku).

Kali nie ŭličvać novabudoŭli, to siaredni košt prapanovy kvadratnaha mietra ŭ vieraśni vyras na 0,6% i skłaŭ $1526. Pry hetym dla adnapakajovych kvater hety pakazčyk źniziŭsia na 0,8% i skłaŭ $1566, dla čatyrochpakajovych kvater źnižeńnie skłała 2,1% ($1371). Kvadratny mietr u prapanavanych na prodaž trochpakajovych kvaterach vyras na 2,4% i skłaŭ $1544. A voś u dvuchpakajovych kvaterach rost naziraŭsia tolki na 0,3% i skłaŭ 1454 $/m2.

Analityki adznačajuć, što ŭ bolšaści mikrarajonaŭ Minska ŭ vieraśni pieravažaŭ rost koštaŭ na kvatery. A rekardsmienami pa roście (bolš za 3%) byli prapanovy kvater, jakija raźmiaščajucca ŭ rajonie vulic Kazłova — Bataničnaj, Kabuškina i ŭ rajonie Hrušaŭki.

Što ŭ susiedziaŭ

U materyjale Realt.by pradstaŭleny taksama siarednija košty kvadratnaha mietra ŭ susiednich krainach.

Pavialičyć

Rekardsmienam pa canie (3696 $/m2) vyhladaje Varšava. U stalicy Polščy hety pakazčyk za hod vyras bolš jak na čverć (26,5%) i ŭ vieraśni tolki na 1,4% byŭ mienšymi za svajo maksimalnaje značeńnie.

A voś košty ŭ Maskvie i Vilni ŭ vieraśni 2023 hoda byli amal adnolkavymi — adpaviedna 2741 i 2753 $/m2. Pry hetym u Maskvie i Sankt-Pieciarburhu nazirałasia padzieńnie cenaŭ u dalaravym ekvivalencie za hod bolš jak na treć.

Čytajcie jašče:

Ceny rastuć, novyja kvatery ŭ «Minsk Śviecie» praktyčna razabrali. Što adbyvajecca na rynku nieruchomaści

Voś dzie ŭ Minsku buduć masava budavać žyllo

Źmieny ŭ Žyllovy kodeks mohuć źniščyć instytut tavarystva ŭłaśnikaŭ

• 3
• 0
• 4
• 6
• 2
• 8
• 4
• 0