Biełaruski trenier zrabiŭ «Ardabasy» čempijonam Kazachstana pa futbole
U matčy 25-ha tura «Ardabasy» (Šymkient) siońnia vyjhraŭ u «Šachciora» z Karahandy ź likam 3:1 i za tur da finišu staŭ čempijonam Kazachstana pa futbole.
U «Ardabasy» za tur da finišu 58 bałaŭ (18 pieramoh, 4 ničyi i 3 parazy), jon na šeść ačkoŭ apiaredžvaje «Astanu». Roźnica miačoŭ 48-20. Kłub z Šymkienta bolš za ŭsich zabiŭ miačoŭ u sioletnim čempijanacie Kazachstana i mienš za astatnich prapuściŭ.
Kłub z 2021 hoda treniruje biełaruski śpiecyjalist Alaksandr Siadnioŭ.
U 2021-m i 2022-m hadach šymkienckaja kamanda finišavała piataj u turnirnaj tablicy. U 2017-m i 2019-m jana była bronzavym pryzioram.
Za «Ardabasy» vystupaje biełaruski forvard Usievaład Sadoŭski. Za dva hady jon pravioŭ za kłub 39 matčaŭ i zabiŭ vosiem miačoŭ.
Hulaje za kamandu z Šymkienta taksama ŭźbiekski forvard Babir Abdzicholikaŭ, jaki ŭ 2021-2022 hadach vystupaŭ u pieršynstvie Biełarusi za «Enierhietyk-BDU», a ŭ minułym hodzie navat staŭ najlepšym bambardziram čempijanatu z 27 miačami.
Naohuł u kazachstanskaj premjer-lizie vystupaje najbolšaja kolkaść biełarusaŭ-lehijanieraŭ — 20 futbalistaŭ. U rasijskaj premjer-lizie biełarusaŭ roŭna ŭ dva razy mieniej — 10.
50-hadovy Alaksandr Siadnioŭ treniravaŭ u svoj čas mahiloŭski «Savit», babrujskuju «Biełšynu», minskaje «Dynama», mahiloŭski «Dniapro». Taksama treniravaŭ i kazachstanski «Aktabe», ale pośpiechu vialikaha nie zdabyŭ. Heta naohuł jaho pieršyja załatyja miedali ŭ jakaści treniera.
U 2020 hodzie Alaksiej Špileŭski pryvioŭ ałmacinski «Kajrat» da załatych miedaloŭ čempijanatu Kazachstana.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary