Ihar Hirkin-Strałkoŭ zajaviŭ pra samavyłučeńnie ŭ kandydaty ŭ prezidenty Rasii
Pra svoj namier Hirkin-Strałkoŭ napisaŭ u liście ź SIZA, jaki na pres-kanfierencyi začytaŭ sustaršynia ruskaha ruchu «Za Strałkova» Aleh Nielzin.
U liście Strałkoŭ paprasiŭ svaich paplečnikaŭ sfarmavać inicyjatyŭnuju hrupu pa jaho vyłučeńni i razharnuć štab pa zbory podpisaŭ. Taksama jon zaklikaŭ roznyja hramadskija i palityčnyja arhanizacyi padtrymać jaho, piša «Śpiektr».
Zajavu ab namiery vyłučacca ŭ prezidenty Hirkin-Strałkoŭ, jaki zaraz znachodzicca za kratami, rabiŭ jašče ŭ kancy žniŭnia. Tady jon vyłučyŭ niekalki «plusaŭ», z-za jakich prezidentam RF pavinien być jon, a nie Uładzimir Pucin. Naprykład, Pucin «nadzvyčaj davierlivy», «zanadta dobry», u jaho «šmat siabroŭ-miljarderaŭ», jon «vysokamaralnaja asoba», a sam Strałkoŭ «nie nastolki spartovy», jakim byŭ Pucin, tamu nie budzie znachodzicca va ŭładzie 20 hadoŭ.
21 lipienia Ihar Hirkin-Strałkoŭ byŭ zatrymany ŭ Maskvie. Jaho padazrajuć u publičnych zaklikach da ekstremizmu praz telehram-kanał. Kryminalnaj spravie prysvoili hryf «całkam sakretna».
Pry hetym raniej paviedamlałasia, što suprać Strałkova raspačataja sprava pavodle č.2 art. 280 KK (publičnyja zakliki da ekstremizmu z vykarystańniem internetu). Pa hetym artykule jamu pahražaje pakarańnie da piaci hadoŭ pazbaŭleńnia voli.
Vybary prezidenta Rasii pavinny prajści 17 sakavika 2024 hoda.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść37
Kamientary
Raniej usialakija kryvavyja staliny-leniny. Navat Chruščoŭ - i toj ŭdzielničaŭ u represijach 1930-ch - stralaŭ ludziej. Jelcyn - zabiŭ 250 tysiač čačencaŭ - hienacyd cełaha naroda. Harbačoŭ litoŭcaŭ tankami daviŭ za toje, što niezaležnaści chacieli ad Rasiei.
I hetak dalej. Adny zabojcy va ŭładzie ŭ Rasiei.